តម្លៃ​ពោតក្រហម​ហក់ឡើង កសិករ​ញាប់ដៃប្រមូល​ផល​លក់​លើ​ទីផ្សារ

ប្រជាកសិករដែលប្រកបរបរដាំដំណាំ “ពោតក្រហម” នៅក្នុងភូមិសាស្ត្រខេត្តបាត់ដំបងឆ្នាំនេះ ហាក់ដូចជាមមាញឹកញាប់​ដៃញាប់​ជើង ដើម្បីដឹកទិន្នផលចូលទីផ្សារ ខណះតម្លៃ”ពោតក្រហម” បានឡើងតម្លៃជិតប្រាំមួយបាតប្រាក់​ថៃ “៥,៩បាត” ខណះឆ្នាំកន្លងទៅបានតម្លៃត្រឹមតែ”៥,៤”បាតប្រាក់ថៃប៉ុណ្ណោះ ស្របជាមួយទីផ្សារចង្អៀតផងកាលណោះ។

អ្នកស្រី ឈាង មុំ រស់នៅក្នុងភូមិទួលឃុំចែងមាជ័យ ស្រុកបាណន់ ដែលអ្នកស្រីមានចម្ការពោតក្រហម ២ កន្លែងគឺ ភូមិ​ទួល ១កន្លែងនិងភូមិប៉ៃឡាំ១កន្លែង ក្នុង​ឃុំ​ចែងមាជ័យ ស្រុកបាណន់។

អ្នក​ស្រីបន្តថា កាលពីឆ្នាំកន្លងទៅ អ្នកស្រីធ្វើបានច្រើនគួរសមហើយលក់បានត្រឹមតែ ៥ បាតតិចតួចប៉ុណ្ណោះ ​”០៥,២ បាត-០៥,៤បាត” ក្នុង១គីឡូក្រាម ដែលតម្លៃនេះទួទាត់​នៅ​សល់តែបន្តិចបន្តួចសម្រាប់ផ្គត់ផ្គងគ្រួសារ ខណះកាលឆ្នាំមុនមិនទាន់មានវិបត្តិសេដ្ឋកិច្ចពិភពលោក ដែលធ្វើឲ្យប្រេងសាំងក៏ដូចជា ជីបំប៉នឡើងថ្លៃនៅឡើយផង ក៏ប្រឈមជម្ងឺ​កូវីត១៩ផងដែរ ទើបតម្លៃពោតក្រហម ឈ្មួញកណ្តាលទម្លាក់តម្លៃបែបនេះ។ តែឆ្នាំនេះកំណើនតម្លៃឡើងវិញហើយ ដោយឈ្មួញមកយកដល់ចម្ការតែម្តង ដើម្បីនាំចូលទីផ្សារប្រទេសថៃតាមច្រកក្នុងស្រុកកំរៀងនៃខេត្តបាត់ដំបង។

ចំណែកប្រជាកសិករនៅក្នុង ឃុំតាគ្រី ស្រុកកំរៀង នៃខេត្តបាត់ដំបង ក្នុងសកម្មភាពកំពុងមមាញឹកក្នុងការថ្លឹងផ្លែពោតក្រហម ដាក់លើរថយន្តបានលើកឡើងប្រហាក់ប្រហែលគ្នាថា ពួកគាត់ឆ្នាំនេះហាក់បានកាក់កបបន្តិចចំពោះសេដ្ឋកិច្ចគ្រួសារ តាមរយះទិន្នផលផ្លែពោតក្រហមបានឡើងតម្លៃ ០៥.៩បាតប្រាក់ថៃ ហើយទីផ្សារក៏ទួលាយ។ ឆ្នាំមុនបានតម្លៃត្រឹម០៥,៤បាត ចុះក្រោម ប៉ុណ្ណោះ ដោយឈ្មួញកណ្តាលមកទទួលទិញដល់ផ្ទះតែម្តងមិនចំណាយការដឹងជញ្ជូននោះទេ។

ពួកគាត់បន្តថា ការមមាញឹកបែបនេះ គឺឈ្មួញត្រូវការនាំចេញឲ្យបានទាន់ពេលចូលទៅប្រទេសថៃ ស្របពេលខេត្តបាត់ដំបង កំពុងធ្លាក់ភ្លៀងជាបន្តបន្ទាប់ផង។ ពួកគាត់បញ្ជាក់ថា បើទោះបីជាតម្លៃនៅឆ្នាំនេះមានការហក់ឡើងបន្តិចមែន បើពួកគាត់ធ្វើការទូទាត់បើធៀបទៅនឹងឆ្នាំកន្លងទៅវាមិនខុសគ្នាប៉ុន្មានទេ ដោយមកពីមូលហេតុវិបត្តិសេដ្ឋកិច្ចពិភពលោកបានកើតឡើង ជាលើកទី២នៃជម្ងឺរាតត្បាតកូវីត១៩ជាសកល ទើបធ្វើឲ្យប្រេងសាំងនិងសម្ភារៈរបស់របរប្រើប្រាស់ ក៏ដូចជា ជី បានហក់ឡើងខ្ពស់បែបនេះ ហើយពួកគាត់សង្ឃឹមថា ទិន្នផលពោតក្រហម នឹងបានតម្លៃឡើងជាងនេះ បើខាងភាគីទីផ្សារ គិតដល់ចំណុច វិបត្តសេដ្ឋកិច្ចពិភពលោក កំពុងតែបង្កើនតម្លៃផ្នែក ប្រកប របរកសិកម្មនៅខ្ពស់បែបនេះដោយសាភ្លើងសង្គ្រាមនៅប៉ែកអឺរ៉ុប ។

ពាក់ព័ន្ធការលើកឡើងរបស់ប្រជាកសិករខាងលើបែបនេះខាងមន្ត្រីជំនាញបានទទួលស្គាល់ចំពោះវិបត្តិខាងលើដែលប្រជាកសិករបានលើកឡើងតែតម្លៃពោតក្រហមឆ្នាំនេះផ្នែកទីផ្សារបានល្អប្រសើរ ធ្វើឲ្យពួកគាត់សប្បាយចិត្តតាមការរំពឹងទុកកាលពីឆ្នាំកន្លងទៅ ដែលបានធ្លាក់តម្លៃបានត្រឹម០៥បាតជាងតិចតូចប៉ុណ្ណោះ”០៥,៤បាត”។

បើយោងតាមរបាយការណ៍ពីមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបងបានបង្ហា ញឲ្យដឹងថា ក្នុងរដូវកាលដែលប្រជាកសិករ ប្រមូលទិន្នផល ពោតក្រហម ឆ្នាំនេះ កសិករក្នុងខេត្តបាត់ដំបង បានអនុវត្តលើ ផ្ទៃដីសរុប ចំនួន ៥០.១៧២ហិកតា ស្មើនឹង ៥៩.៣០ភាគរយ នៃផែនការសរុបចំនួន ៨៤,៦០០ហិកតា៕

អត្ថបទ៖ សៅ សារិទ្ធ