សេដ្ឋកិច្ច
អ្នកនាំពាក្យក្រសួងពាណិជ្ជកម្ម៖ កម្ពុជាមានភ័ព្វសំណាងដែលមានប្រេងប្រើប្រាស់ទោះបីជាថ្លៃបន្តិចមែន
លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានប្រាប់ “កម្ពុជាថ្មី” នៅថ្ងៃទី៣០ ខែមិថុនា ឆ្នាំ២០២២ ថា សព្វថ្ងៃ ទោះបីជាកម្ពុជាកំពុងជួបនូវបញ្ហាប្រេងសាំងឡើងថ្លៃក៏ពិតមែន ប៉ុន្តែ កម្ពុជា មានភ័ព្វសំណាង ដែលមានប្រេងប្រើប្រាស់គ្រាប់គ្រាន់ ដោយមិនចាំបាច់តម្រង់ជួរគ្នាទិញដូចប្រទេសដទៃឡើយ។ លោក ប៉ែន សុវិជាតិ ថ្លែងបែបនេះ ខណៈដែលប្រេងឥន្ទនៈនៅកម្ពុជាបានឡើងថ្លៃ ដោយប្រេងសាំងធម្មតាមានតម្លៃ ៥,៨០០រៀល ក្នុងមួយលីត្រ និង ប្រេងម៉ាស៊ូត ៦,៣០០រៀលក្នុងមួយលីត្រ។
លោកបានបញ្ជាក់ថា កម្ពុជាជាប្រទេសដែលនាំចូលប្រេងសុទ្ធសាធ គ្មានការផលិតដោយខ្លួនឯងដូចប្រទេសថៃ ឬវៀតណាមឡើយ។ តម្លៃប្រេងត្រូវបានកំណត់ដោយអន្តរក្រសួង ដោយសារកម្ពុជាប្រកាន់របបទីផ្សារសេរី មិនត្រូវកំណត់តម្លៃទេ។ ប៉ុន្តែ ទំនិញនេះ ជាទំនិញយុទ្ធសាស្ត្រ ដែលចាំបាច់សម្រាប់ជីវភាពប្រជាជន និង ជីវភាពសេដ្ឋកិច្ចសម្រាប់អាជីវកម្មកម្ពុជា។
តម្លៃប្រេងដែលកម្ពុជាបានទិញពីអន្តរជាតិមកបានឡើងថ្លៃពី ៥៦ដុល្លារបារ៉ែល រហូតដល់ ១០០ ដុល្លារជាងក្នុងមួយបារ៉ែលនាពេលបច្ចុប្បន្ន។ កាលពីមុន កម្ពុជាគិតយកមធ្យមភាគ ១៥ថ្ងៃ ក្រោយមក ១០ថ្ងៃ ប៉ុន្តែឥឡូវកម្ពុជាគិតមធ្យមភាគនៃតម្លៃប្រេងត្រឹមតែមួយសប្តាហ៍ប៉ុណ្ណោះ ប៉ុន្តែចេញលក់១០ថ្ងៃ ដើម្បីឱ្យទាន់ហាងឆេងទីផ្សារបច្ចុប្បន្ន និងដើម្បីឱ្យអ្នកនាំចូល និងអ្នកលក់ អាចលក់បានចំណេញខ្លះ ប្រសិនបើឱ្យនាំចូលប្រេងមកខាត កម្ពុជានឹងគ្មានប្រេងប្រើ ហើយអាចនឹងជួបបញ្ហា ដូចប្រទេសជិតខាង ដែលត្រូវតម្រង់ជួរទិញប្រេង ព្រោះគ្មានអ្នកនាំចូល។ នេះបើតាមលោក ប៉ែន សុវិជាតិ។
លោកមានប្រសាសន៍ថា៖ “ ដរាបណាសង្រ្គាមនៅអូសបន្លាយ មិនមែនតែកម្ពុជាទេដែល រងគ្រោះ សូម្បីប្រទេសដទៃទៀតក៏មានការរងគ្រោះដូចយើងដែរ ចឹងហើយកុំបន្ទោសអ្នកណា អ្វីដែលធ្វើបានគឺយើងមានភ័ព្វសំណាងដែលមានប្រេងទិញបាន។ ចំណុចទីពីរ ការសន្សំសំចៃ ក្នុងការប្រើប្រាស់ប្រេងសាំងក៏ជារឿងសំខាន់”។ លោកបន្ថែមថា៖ “តម្លៃប្រងនៅក្នុងតំបន់ កម្ពុជាមិនមែនជាប្រទេសដែលមាន តម្លៃប្រេងខ្ពស់ជាងគេទេ គឺប្រទេសសិង្ហបុរីជាប្រទេសដែលមានតម្លៃប្រេងខ្ពស់ជាងគេ”។
គួររំលឹកថា កម្ពុជាក៏ដូចជាពិភពលោកទាំងមូល បានជួបនឹងបញ្ហាប្រេងសាំងឡើងថ្លៃនេះ ក្រោយពីមានសង្រ្គាមអូសបន្លាយជាយូរ រវាងរុស្ស៊ី និងអ៊ុយក្រែន ជាហេតុធ្វើឱ្យបណ្តាប្រទេសមួយចំនួនបានដាក់ទណ្ឌកម្មទៅលើរុស្ស៊ី ហើយបានជះឥទ្ធិពលដល់ការឡើងថ្លៃប្រេងសាំង ពិបាកក្នុងការដោះស្រាយ៕
អត្ថបទ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ