សេដ្ឋកិច្ច
លោក គុណ ញឹម៖ ការនាំចូលគ្រឿងបង្គំរថយន្តមកដំឡើងតម្លៃធូរថ្លៃជាងនាំចូលឡានមូល
ឧស្សាហកម្មរថយន្តនៅកម្ពុជា បច្ចុប្បន្នមានកំណើនគួរកត់សម្គាល់ ជាពិសេសនៅរយៈពេលប៉ុន្មានឆ្នាំចុងក្រោយនេះ។
សព្វថ្ងៃនេះ មិនត្រឹមតែមានការនាំចូលរថយន្តថ្មីប៉ុណ្ណោះទេ ថែមទាំងនាំចូលគ្រឿងបង្គំរថយន្តយកមកដំឡើងនៅកម្ពុជាផងដែរ។ នេះជាការលើកឡើងរបស់អគ្គនាយកដ្ឋានគយ និងរដ្ឋាករកម្ពុជា។
លោក គុណ ញឹម អគ្គនាយកដ្ឋានគយ និងរដ្ឋាករ បានឱ្យដឹងថា ការនាំចូលគ្រឿងបង្គំរថយន្តយកមកដំឡើងនៅកម្ពុជា មានតម្លៃពន្ធធូរថ្លៃជាងការនាំចូលរថយន្តមូល។ ទោះយ៉ាងណាលោកថា ភាគច្រើនកម្ពុជា នាំចូលរថយន្តថ្មីមកពីប្រទេសថៃ។ លោកបញ្ជាក់ថា ការនាំចូលរថយន្តពីថៃ គឺពន្ធនាំចូលសូន្យភាគរយ ពោលគឺនៅជាប់តែអាករពិសេស និងអាករលើតម្លៃបន្ថែមប៉ុណ្ណោះ។ ដូច្នេះបន្ទុកពន្ធធ្លាក់ចុះ តម្លៃរថយន្តក៏ធូរថ្លៃទៅតាមនឹងដែរ។ នេះជាការបន្ថែមរបស់លោក គុណ ញឹម។ ការលើកឡើងរបស់លោក គុណ ញឹម នៅក្នុងសន្និសីទសារព័ត៌មាន ស្តីពី វឌ្ឍនភាពនៃការអនុវត្តការប្រមូលពន្ធលើយានយន្ត និងអាករនាំចូលដែលមានស្រាប់ក្នុងប្រទេស នៅព្រឹកថ្ងៃទី ០៥ ខែ តុលា ឆ្នាំ ២០២២។
មកទល់ពេលនេះ កម្ពុជាមានក្រុមហ៊ុនដំឡើងរថយន្តមួយចំនួន កំពុងធ្វើប្រតិបត្តិការ រួមមាន៖ ក្រុមហ៊ុន DAEHAN Auto (Cambodia) Co., Ltd ដំឡើងរថយន្តម៉ាក Ssangyong, Daehan, Sino , ក្រុមហ៊ុន Xuzhou XCMG Auto Manufacturing Co., Ltd ដំឡើងរថយន្តម៉ាក SINOTRUK និងម៉ាកផ្សេងៗ, ក្រុមហ៊ុន Camko Motor Company Ltd ដំឡើងរថយន្តម៉ាក Hyundai, ក្រុមហ៊ុន HGB Motors Assembly Co., Ltd ដំឡើងរថយន្តម៉ាក KIA , ក្រុមហ៊ុន RMA Automotive (Cambodia) Co., Ltd ដំឡើងរថយន្ត Ford , ក្រុមហ៊ុន E M Automobile Co., Ltd , ក្រុមហ៊ុន K (CAMBODIA) CO., LTD. (ISUZU) និងក្រុមហ៊ុន Toyota ជាដើម។
អ្នកជំនាញសេដ្ឋកិច្ច បានលើកឡើងថា ការបង្កើតរោងចក្រដំឡើងរថយន្តនៅកម្ពុជា កាន់តែច្រើន អាចនឹងធ្វើឱ្យចំណូលពន្ធគយថយចុះនាពេលខាងមុខ ប៉ុន្តែតាមរយៈការបង្កើតរោងចក្រដំឡើងរថយន្តនេះ នឹងជួយបង្កើនប្រាក់ចំណូលផ្ទៃក្នុង តាមរយៈពន្ធលើប្រាក់ចំណេញ ពន្ធលើប្រាក់បៀវត្ស និងផ្តល់ការងារដល់ប្រជាជនខ្មែរ។
ការវិនិយោគរោងចក្រដំឡើងរថយន្តជាបន្តបន្ទាប់ បានឆ្លុះបញ្ចាំងពីស្ថេរភាពនយោបាយ និងសេដ្ឋកិច្ច ព្រោះក្រុមហ៊ុននីមួយៗ មុននឹងវិនិយោគនៅប្រទេសណាមួយ តែងតែសិក្សាយ៉ាងលម្អិតអំពីនយោបាយ និងសន្តិសុខ ទើបសម្រេចចិត្តបោះទុនវិនិយោគ៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)