ព័ត៌មានជាតិ

អ្នកលក់នំបុ័ងសាច់ម្នាក់ មិនចង់ធ្វើការឲ្យគេ សុខចិត្តជួលកន្លែងគេលក់ដូរតាមផ្លូវ

បានផុស

៤ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

របរលក់ដូរតាមផ្លូវមើលទៅសមញ្ញ តែបុរសម្នាក់នេះវិញ ចំណូលដែលបានរាល់ថ្ងៃនៃការលក់នំ បុ័ងបាត់តេ ឬហៅថានំបុ័ងសាច់ អាចទទួលបានច្រើនហួសពីការគិតរបស់មហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សន សារេន ដែលមានស្រុកកំណើតនៅខេត្តតាកែវ ហើយក៏ជាអតីតបុគ្គលិកក្រុមហ៊ុនមួយរូប បានសម្រេចចាប់យកមុខរបរធ្វើជាអ្នកលក់នំ បុ័ង បាត់តេ ដោយជួលកន្លែងគេលក់ជាប្រចាំថ្ងៃ បើគិតមកដល់ពេលបច្ចុប្បន្ននេះរយៈ ៤ឆ្នាំមកហើយ។

តាមរយៈការលក់នំ បុ័ង ជារៀងរាល់ថ្ងៃដោយចាប់លក់ពីម៉ោង ២ល្ងាច រហូតដល់ម៉ោង ១១ យប់ លោកអាចលក់បាននចន្លោះ ពីត្រឹម ៥០ ទៅ ៦០ដើម។ មុនការរីករាលដាលនៃជំងឺសកលកូវីត ១៩ មួយថ្ងៃលោកអាចលក់នំ បុ័ងបានប្រមាណ ១០០ដើមឯណោះ តែទោះបែបនេះក្ដី ក៏អ្នកដែលធ្លាប់ទិញចាស់ៗ គឺនៅតែមកជួយទិញលោកដដែល។

បុរសរូបនេះបានបង្ហើបពីចំណូល ក្នុងមួយថ្ងៃអាចរកបានខ្ទង់ ៣០ ម៉ឺន រៀលទៅ ៤០ម៉ឺនរៀល អាចធ្វើឱ្យលោកយកទៅផ្គត់ផ្គង់នៅក្នុងជីវភាពគ្រួសារបានល្អប្រសើរ។

បុរសរូបនេះយល់ឃើញពីការបើករបររកស៊ីខ្លួនឯងថា «ទោះហត់តែមានពេលសម្រាកគ្រប់គ្រាន់ ហើយប្រសិនឈឺខ្ញុំក៏អាចមិនបើកលក់មួយថ្ងៃ ឬ ពីរថ្ងៃក៏បាន និងគ្មានអ្នកណាមករករឿងឡើយ ហើយខ្ញុំពេញចិត្តនឹងការរកស៊ីមួយនេះ»។

ដោយ៖ ថារី