សេដ្ឋកិច្ច
ហេតុផលជាច្រើន ដែលវិនិយោគិនគួរសម្រេចចិត្តវិនិយោគនៅកម្ពុជា
ប្រទេសកម្ពុជា នៅមានសក្ដានុពលជាច្រើន ដែលមិនទាន់បានប្រើប្រាស់ ក្នុងនោះវិស័យឧស្សាហកម្ម ទេសចរណ៍ កំពុងរីកចម្រើនខ្លាំង ដែលអ្នកវិនិយោគមានសិទ្ធិ ក្នុងការចាប់យកឱកាសដ៏ល្អនេះ ជាមួយនឹងការវិនិយោគប្រកបដោយស្ថេរភាព។ នេះគឺជាការលើកឡើងរបស់លោក ឡោ វិចិត្រ អនុប្រធានសមាគមពាណិជ្ជកម្មកម្ពុជា ចិន។
អ្នកជំនាញរូបនេះ បានគូសបញ្ជាក់ថា ផែនការមេរបស់កម្ពុជា សម្រាប់ការរៀបចំទីក្រុងភ្នំពេញ នឹងបង្ហាញក្នុងពេលឆាប់ៗនេះ ដោយសាលារាជធានីភ្នំពេញ និងក្រសួងសាធារណការ និងដឹកជញ្ជូន។
ជាមួយគ្នានេះ តម្រូវការទំនិញ សេវាកម្ម លំនៅឋាន និងការអភិវឌ្ឍន៍ពាណិជ្ជកម្មចម្រុះ នឹងជួយជំរុញវិស័យឧស្សាហកម្មសំណង់បន្ថែមទៀត។
បើតាមលោក វិចិត្រ ឧស្សាហកម្មដឹកជញ្ជូនទំនិញរបស់យើងនឹងរីកចម្រើនយ៉ាងខ្លាំងសម្រាប់រយៈពេលប្រាំទៅដប់ឆ្នាំខាងមុខ ជាមួយនឹងកំណើនព្រលានយន្តហោះអន្តរជាតិថ្មី។ ការកសាងអាកាសយានដ្ឋានធំជាងគេទី៩ លើពិភពលោក នឹងធ្វើឱ្យប្រទេសកម្ពុជា កាន់តែមានភាពទាក់ទាញ តាមរយៈការហោះហើរត្រង់អន្តរជាតិកាន់តែច្រើនពីអឺរ៉ុប និងអាមេរិកខាងជើង។
ភាពទាក់ទាញរបស់កម្ពុជា នៅក្នុងភ្នែកអ្នកវិនិយោគបរទេសនោះ គឺកម្ពុជា ជាប្រទេសអាស៊ីតែមួយគត់ដែលប្រើប្រាស់ប្រាក់ដុល្លារ ជារូបិយប័ណ្ណ ដែលបង្កការងាយស្រួលដល់អ្នកវិនិយោគអន្តរជាតិ ពិសេសការពារចំពោះការប្រែប្រួលផ្នែករូបិយប័ណ្ណ។
លើសពីនេះទៀត ស្ថាប័នហិរញ្ញវត្ថុធំៗដូចជា ADB, IMF និង World Bank សរសើរថា កម្ពុជាមានសុវត្ថិភាពផ្នែកហិរញ្ញវត្ថុសម្រាប់រយៈពេលមធ្យម ក្នុងនាមជាប្រទេសកំពុងអភិវឌ្ឍដែលវិនិយោគច្រើនលើហេដ្ឋារចនាសម្ព័ន្ធសំខាន់ៗ ដើម្បីអភិវឌ្ឍសេដ្ឋកិច្ចជាតិឱ្យក្លាយជាប្រទេសមានប្រាក់ចំណូលកម្រិតមធ្យមនៅឆ្នាំ ២០៣០ និងប្រទេសដែលមានប្រាក់ចំណូលខ្ពស់នៅឆ្នាំ ២០៥០។
លោក ឡោ វិចិត្រ មើលឃើញថា ប្រទេសកម្ពុជា នៅមានវិស័យជាច្រើនដែលត្រូវបន្តអភិវឌ្ឍដូចជា វិស័យ fintech, E-commerce ដែលវិស័យទាំងនេះ នឹងមានកំណើនសក្តានុពលខ្ពស់នៅពេលអនាគតដ៏ខ្លីខាងមុខ។
ទន្ទឹមនឹងនេះ កម្ពុជាកំពុងរៀបចំរចនាសម្ព័ន្ធឱ្យក្លាយជាគោលដៅទេសចរណ៍ឈានមុខគេ និងជាតំបន់ទាក់ទាញទេសចរណ៍ តាមរយៈការវិនិយោគសណ្ឋាគារលំដាប់ផ្កាយ៥ ជាច្រើន នៅក្នុងឧស្សាហកម្មសណ្ឋាគារ។
ជាការពិតណាស់ ប្រទេសកម្ពុជាគឺជាប្រទេសមួយក្នុងចំណោមប្រទេសមានស្ថេរភាពនយោបាយបំផុតនៅក្នុងទ្វីបអាស៊ី ដែលមិនមានការផ្លាស់ប្ដូរមេដឹកនាំរដ្ឋាភិបាលក្នុងរយៈពេល ៣០ ឆ្នាំចុងក្រោយនេះ ហើយនឹងបន្តសម្រាប់អនាគត ដែលអាចកាត់បន្ថយហានិភ័យក្នុងការវិនិយោគនៅកម្ពុជា។
អ្នកជំនាញពាណិជ្ជកម្មកម្ពុជាចិន សង្កត់ធ្ងន់ថា នេះគឺជាមូលដ្ឋានគ្រឹះដ៏សំខាន់សម្រាប់កំណែទម្រង់សេដ្ឋកិច្ចស៊ីជម្រៅ និងការអភិវឌ្ឍន៍ក្នុងការវិនិយោគរយៈពេលវែងសម្រាប់អ្នកវិនិយោគ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ