ព័ត៌មានជាតិ
តំបន់សេដ្ឋកិច្ចពិសេសបីកន្លែង មានរោងចក្រ ១៥ កំពុងដំណើរការ នៅខេត្តបន្ទាយមានជ័យ
នៅខេត្តបន្ទាយមានជ័យ មានតំបន់សេដ្ឋកិច្ចពិសេសចំនួប០៣កន្លែង និងមានរោងចក្រ ១៥ កំពុងដំណើរ។ តំបន់សេដ្ឋកិច្ចពិសេសទាំងនោះ រួមមាន៖
ទី១. តំបន់សេដ្ឋកិច្ចពិសេសអូរនាង មានរោងច្រកចំនួន៤កន្លែង
ទី២. តំបន់សេដ្ឋកិច្ចពិសេសសានកូ មានរោងច្រកចំនួន១០កន្លែង
ទី៣. តំបន់សេដ្ឋកិច្ចពិសេសប៉ោយប៉ែតរ៉ូយ៉ាល់គ្រុប មានរោងច្រកចំនួន១កន្លែង។
ជាមួយគ្នានេះ ក៏មានសួនឧស្សាហកម្មមួយ នៅក្រុងសិរីសោភ័ណ មានរោងច្រកចំនួន១កន្លែងផងដែរ។ នេះបើតាមរបាយការណ៍សង្ខេបស្តីពីភាពជោគជ័យរយៈពេល ៥ឆ្នាំ របស់រដ្ឋខេត្តបន្ទាយមានជ័យ ផ្សព្វផ្សាយនៅក្នុងសន្និសីទ នាថ្ងៃទី ២៨ មីនា នេះ។
លោក អ៊ុំ រាត្រី អភិបាលខេត្តបន្ទាយមានជ័យ បានឱ្យដឹងនៅក្នុងសន្និសីទនេះថា ក្រៅពីតំបន់សេដ្ឋកិច្ចទាំងបី ដែលកំពុងដំណើរការនេះ ក៏មានតំបន់សេដ្ឋកិច្ចមួយទៀតផងដែរ ប៉ុន្តែបានផ្អាកដំណើរការ គឺតំបន់សេដ្ឋកិច្ចពិសេស លី អ៊ុតនី។
បើតាមរបាយការណ៍បង្ហាញថា នៅខេត្តបន្ទាយមានជ័យ មានរោងចក្រសរុបចំនួន ២២រោងចក្រ, សហគ្រាសធនតូច និងមធ្យម និងសិប្បកម្មមានចំនួន ១.២៣៨ កន្លែង នៅក្នុងដែនសមត្ថកិច្ចរដ្ឋបាលខេត្ត។ លើសពីនេះទៀត មានសហគ្រាសគ្រឹះស្ថាន សរុបចំនួន ២៨១ ដែលមានកម្មករ និយោជិតសរុបចំនួន២៦,៥៦០នាក់។
លោកអភិបាលខេត្ត បានគូសបញ្ជាក់ថា ដោយខេត្តបន្ទាយមានជ័យ មានព្រំប្រទល់ជាប់នឹងប្រទេសថៃ ដែលជាកត្តា អំណោយផល ដល់ការដោះដូរ-ដឹកជញ្ជូនទំនិញ ការធ្វើពាណិជ្ជកម្ម ការធ្វើដំណើរចេញ-ចូល ទេសចរណ៍ ការធ្វើកិច្ចសហប្រតិបត្តិការ និងបានជួយជំរុញដល់កំណើនសេដ្ឋកិច្ចរបស់ខេត្តផងដែរ។
ដោយឡែកទំនិញ ដែលខេត្តបន្ទាយមានជ័យ នាំចេញទៅប្រទេសថៃ ភាគច្រើនជាប្រភេទកសិផល ដូចជា ដំឡូងមី ម្ទេសក្រៀម អពៅ ពោតក្រហម ស្វាយចន្ទី និងស្រូវ ជាដើម៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង