ព័ត៌មានជាតិ
អ្នកជំនាញវិស័យធនាគារអះអាងថា សុខុមាលភាពវិស័យធនាគារក្នុងឆ្នាំ២០២១ នៅតែដំណើរការល្អប្រសើរ
អ្នកជំនាញវិស័យធនាគារ បានមើលឃើញថា បើទោះបីជាកម្ពុជានៅទទួលរងនូវជំងឺកូវីដ១៩ក៏ដោយ ក៏នៅឆ្នាំ២០២១នេះ សុខុមាលភាពវិស័យធនាគារនៅតែដំណើរការលូតលាស់ល្អប្រសើរដដែល។
លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានមានប្រសាសន៍នៅក្នុងពិធីដាក់ឲ្យដំណើរការប្រព័ន្ធរីថែលផេ(rrtail pay)របស់ធនាគារជាតិនៃកម្ពុជា នៅព្រឹកថ្ងៃទី២៦មករាថា ការដែលសុខភាពវិស័យធនាគារ នៅឆ្នាំ២០២១ មានលក្ខណៈល្អប្រសើរនេះ ដោយសារតម្រូវការនៃការប្រើប្រាស់ធនាគារមានច្រើនពិសេសឥណទាន ប្រាក់បញ្ញើនិងការផ្ទេរមូលនិធិជាដើម។ លោកបណ្ឌិត បានបន្តថា បច្ចុប្បន្ននេះ ការផ្ទេរមូលនិធិ គឺមានភាពងាយស្រួលជាងឆ្នាំមុនៗទៅទៀត ដោយសារមានមធ្យោបាយច្រើន ដែលធនាគារកណ្តាលឬធនាគារជាតិមិនត្រឹមតែជាអាជ្ញាធរអាណាព្យាបាលប៉ុណ្ណោះទេ ក៏ជាអាជ្ញាធរបង្កលក្ខណៈងាយស្រួលដល់ធនាគារ ដែលពីមុនមានប្រព័ន្ធបាគងហើយឥឡូវនេះ មានប្រព័ន្ធ រីថែលផេមួយទៀត ដែលជាជម្រើសសម្រាប់ធនាគារគារនិងអតិថិជនហើយ និងជំរុញការលួតលាស់នៃសេដ្ឋកិច្ច។
លោកបណ្ឌិត អ៊ិនចាន់នី បានបន្ថែមថា ការលូតលាស់សេដ្ឋកិច្ច គឺអាស្រ័យទៅលើការពង្រីកហេដ្ឋារចនាសម្ព័ន្ធចម្រុះ ដែលមានគ្រប់ដោយធនគារនិងអតិថិជនអាចជ្រើសរើសជម្រើសណាមួយក៏បាន។ ទន្ទឹមនឹងការប្រើបច្ចេកវិទ្យាទំនើបសម្បូរបែបនេះ លោកបណ្ឌិត អ៊ិន ចាន់នី បានបញ្ជាក់ថា យើងត្រូវបណ្តុះបណ្តាលដល់អ្នកប្រើប្រាស់ឲ្យបានយល់ដឹងច្បាស់លាស់ពីរបៀបការថែរក្សាពីព័ត៌មានសំងាត់ ដើម្បីចៀសវាងនូវហានិភ័យផ្សេងៗ។ លោកបណ្ឌិតបានបន្តទៀតថា អ្នកប្រើប្រាស់ត្រូវរក្សាលេខសំងាត់ឲ្យបានត្រឹមត្រូវ ដោយមិនត្រូវផ្តល់លេខនេះឲ្យទៅអ្នកដទៃនោះទេ រួមទាំងបុគ្គលិកស្ថាប័នរបស់ធនាគារផង ហើយនៅពេលមានបញ្ហាអាចទាក់ទងជាមួយធនគារផ្ទាល់ជាជាងអ្នកទី៣ ដែលមកកុហកគាត់ថា ជាបុគ្គលិកធនាគារ។
យោងតាមរបាយការណ៍របស់ធនាគារជាតិនៃកម្ពុជា បានឲ្យដឹងថា ទោះបីជាកម្ពុជាទទួលរងនូវវិបត្តិជំងឺកូវីដ១៩ក៏ដោយ ក៏នៅឆ្នាំ២០២០កន្លងទៅនេះ ទ្រព្យសកម្មរបស់គ្រឹះស្ថានធនាគារនិងគ្រឹះស្ថានមីក្រូហិរញ្ញវត្ថុនៅកម្ពុជា បានកើនឡើងដល់២៣៩,២ទ្រីលានរៀល ស្មើនឹង៥៩,១ប៊ីលានដុល្លារអាមេរិក។ ក្នុងនោះគ្រឹះស្ថានធនាគារមានចំនួន២០៥,៣ទ្រីលានរៀលស្មើនឹង៥០,៧ប៊ីលានដុល្លារអាមេរិកកើនឡើង១៦.២% ដែលមានឥណទានអតិថិជនចំនួន១២៤,៤ទ្រីលានរៀលស្មើនឹង៣០,២ប៊ីលានដុល្លារកើនឡើង១៥,៣%ដោយមាន១,២លានគណនី។ ចំណែកគ្រឹះស្ថានហិរញ្ញវត្ថុវិញនៅឆ្នាំ២០២០ មានទ្រព្យសកម្មចំនួន៣៣,៩ទ្រីលានរៀលស្មើនឹង៨,៤ប៊ីលានដុល្លារកើនឡើង១២,៦ % ក្នុងនោះឥណទានអតិថិជនមានចំនួន២៧,៦ទ្រីលានរៀលស្មើនឹង៦,៨ប៊ីលានដុល្លារដោយមាន១,៩លានគណនី៕
អត្ថបទ៖ សំអឿន
សូមចុចអាន៖ គម្រោងផ្សារទំនើបថ្មីមួយទៀត នឹងលេចរូបរាងនៅកណ្តាលក្រុងកោះពេជ្រឆាប់ៗ
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)