សេដ្ឋកិច្ច
ទោះមានគេលក់ច្រើន តែហាងលក់ម្ជូរវត្តភ្នំ ១៦៨ នៅតែលក់ដាច់ខ្លាំង ១ថ្ងៃ លក់បាន ១តោនកន្លះ
ប្រិយមិត្តជាទីមេត្រី ធ្លាប់តែបានឃើញ និងបានឮគេកេរ្តិ៍ឈ្មោះដ៏ល្បីរន្ទឺនៃ ហាងលក់ម្ជូរវត្តភ្នំ ១៦៨ កន្លងមកហើយ។ ប៉ុន្តែមានប្រិយមិត្តខ្លះក៏នៅមិនទាន់ដឹង និងបានស្គាល់អំពីតូបលក់ម្ជូរដ៏ល្បីឈ្មោះមួយនេះនៅឡើយទេ។ ថ្ងៃនេះ សារព័ត៌មានកម្ពុជាថ្មី សូមនាំអស់លោកអ្នកទៅស្គាល់ពីប្រវត្តិ និងហាងលក់ម្ជូរមួយកន្លែងនៅក្បែរហ្នឹង រមណីយដ្ឋានប្រវត្តិសាស្រ្តវត្តភ្នំ នោះគឺហាងលក់ម្ជូរវត្តភ្នំ ១៦៨។
អ្នកស្រី ឡាំ សុដាណេ ហៅ លាភ ដាណេ ម្ចាស់ហាងម្ជូរវត្តភ្នំ ១៦៨ បានប្រាប់មកកាន់សារព័ត៌មានកម្ពុជាថ្មីថា ដំបូងឡើយ អ្នកស្រីត្រឹមជាកុមារីម្នាក់ ដែលទូលម្ជូរដើរលក់ធម្មតានោះទេ។ ក្រោយមកទៀតពេលដែល អ្នកស្រីពេញវ័យត្រូវរៀបការជាមួយស្វាមី ទើបអ្នកស្រី មានគំនិតមួយគឺជួលផ្ទះគេដើម្បីលក់ម្ជូរ កាលនោះកាលជួលតូប ក្នុងតម្លៃ ៨០ដុល្លារ ក្នុងមួយខែ។
អ្នកស្រី លាភ ដាណេ បានឲ្យដឹងទៀតថា ដោយសារតែមានអ្នកទិញបានស្គាល់ និងជួយទិញម្ជូរអ្នកស្រីច្រើនឡើងៗ អ្នកស្រី និងស្វាមី ក៏សម្រេចចិត្តបើកជាហាងម្ជូរដ៏ធំមួយនោះ គឺម្ជូរវត្តភ្នំ ១៦៨ ក្នុងឆ្នាំ ២០១១ រហូតមកដល់ពេលបច្ចុប្បន្ន។ សម្រាប់ពេលបច្ចុប្បនេះ ហាងលក់ម្ជូររបស់អ្នកស្រី កាន់តែមានអតិថិជនមកជួយគាំទ្រយ៉ាងច្រើនកុះករ ទោះបីសេដ្ឋកិច្ចមានការប្រែប្រួលយ៉ាងណាក៏ដោយ។
អ្នកស្រី លាភ ដាណេ បានបន្ថែមទៀតថា រាល់ថ្ងៃ អ្នកស្រី មិនត្រឹមតែលក់ម្ជូរនៅហាងផ្ទាល់នោះទេ ប៉ុន្តែអ្នកស្រី ក៏មានទទួលជាលក្ខណៈប៊ូហ្វេ នៅតាមកម្មវិធីតូច ឬធំ តាមការចង់បានរបស់ម្ចាស់កម្មវិធី។ ក្រៅពីនេះ អ្នកស្រី ក៏មានការបើកលក់តាម អេប ផ្សេងៗទៀត ដូចជា៖ អីហ្គេត ឬ ញាំ២៤ម៉ោង នោះដែរ។
អ្នកស្រី លាភ ដាណេ បានបន្តទៀតថា នៅហាងរបស់អ្នកស្រី ក្នុងមួយថ្ងៃៗ អ្នកស្រី អាចលក់ម្ជូរបានរហូតទៅដល់ ប្រមាណជាង ១ តោន កន្លះ ទោះបីបច្ចុប្បន្នមានហាងលក់ម្ជូរច្រើនយ៉ាងណាក៏ដោយ។ អ្នកស្រី លាភ ដាណេ មានប្រសាសន៍ទៀតថា មុខរបរអ្វីក៏ដោយ ក៏អាចជួយឲ្យយើងអាចមានជីវភាពធូរធារបានដែរ។ ប៉ុន្តែ សូមយើងធ្វើការងារនោះដោយយកចិត្តទុកដាក់ និងចេញពីបេះដូង ទើបទទួលបានលទ្ធផលល្អសម្រាប់ខ្លួនឯង។ ទាំងនេះជាសម្ដីរបស់សហគ្រិន វ័យក្មេង អ្នកស្រី លាភ ដាណេ ម្ចាស់ហាងម្ជូរវត្តភ្នំ ១៦៨ ចង់ចែករំលែកទៅកាន់មនុស្សទាំងអស់ដែលជាអ្នករកស៊ី និងអ្នកលក់ដូរផ្សេងៗទៀត។
ចំណែក កញ្ញា តក់ ចរិយា អាយុ ២៧ ម្ចាស់តូបម្ជូរ ៧៧៧៧ នៅសង្កាត់ស្រះចក ខណ្ឌដូនពេញ ក៏បានប្រាប់មកកាន់សារព័ត៌មានកម្ពុជាថ្មីដែរថា កញ្ញា គ្រាន់មានតូបតូចមួយនៅមុខផ្ទះបើកលក់ម្ជូរ និងភេសជ្ជៈបន្តិចបន្តួចដើម្បីចិញ្ចឹមខ្លួនឯង និងផ្គត់ផ្គង់គ្រួសាររបស់កញ្ញា។ កញ្ញា បន្ថែមថា ក្នុងមួយថ្ងៃកញ្ញា អាចរកប្រាក់ចំណូលលក់ម្ជូរ និងភេសជ្ជៈ ចន្លោះពី ១០ម៉ឺនរៀល ទៅ ១៥ម៉ឺនរៀល ជារៀងរាល់ថ្ងៃ។ កញ្ញា តក់ ចរិយា បន្តទៀតថា កញ្ញា ទោះបីជា ការបើកតូបលក់ម្ជូរតូចតាចក៏ពិតមែន ប៉ុន្តែមុខរបរនេះអាចជួយឲ្យកញ្ញា អាចរកប្រាក់ចំណូលសម្រាប់ផ្គត់ផ្គង់គ្រួសារ បានយ៉ាងច្រើនគួរសមដែរ៕
អត្ថបទ៖ សួស សិត
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម