ប្រាក់​ចំណេញ​ឧស្សាហកម្ម​​ ចិន​ ​ស្ទុះ​ងើប​ឡើង​វិញ​យ៉ាង​ខ្លាំង​ក្នុង​ខែ​សីហា

ប្រាក់ចំណេញពីវិស័យឧស្សាហកម្មចិនបានកើនឡើងវិញក្នុងល្បឿនលឿនបំផុតនៅក្នុងខែសីហា ដោយកើន ១៧.២ ភាគរយ បើប្រៀបធៀបនឹងឆ្នាំមុន ខណៈរយៈពេលប្រាំបីខែដំបូងនៃឆ្នាំ ២០២៣ ប្រាក់ចំណេញបានធ្លាក់ចុះ ១១.៧ ភាគរយ ធៀបនឹងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមទិន្នន័យរបស់ការិយាល័យស្ថិតិជាតិចិនបានឲ្យដឹងកាលពីថ្ងៃពុធថា ការកើនឡើងនៃប្រាក់ចំណេញអាចនឹងធ្វើឲ្យតម្រូវការមានភាពប្រសើរឡើងវិញ បន្ទាប់ពីរដ្ឋាភិបាលបានបង្កើនវិធានការក្នុងប៉ុន្មានខែថ្មីៗនេះ ដើម្បីជំរុញទីផ្សារអចលនទ្រព្យ និងជំរុញការចំណាយរបស់អ្នកប្រើប្រាស់ ។

ការិយាល័យស្ថិតិចិនបញ្ជាក់ទៀតថា ជាមួយនឹងការស្ទុះងើបឡើងវិញជាលំដាប់នៅក្នុងផលិតកម្មឧស្សាហកម្ម ក៏ដូចជាការធ្វើឲ្យប្រសើរឡើងនៃការតភ្ជាប់រវាងផលិតកម្ម និងការលក់នេះហើយ ទើបធ្វើឲ្យប្រាក់ចំណូលរបស់ក្រុមហ៊ុនឧស្សាហកម្មមានភាពប្រសើរឡើងវិញបន្តិចម្តងៗបែបនេះ ។

ទោះយ៉ាងណា ប្រាក់ចំណេញរបស់អ្នកផលិតបានធ្លាក់ចុះ ១៣.៧ ភាគរយក្នុងរយៈពេល ៨ ខែដំបូងនៃឆ្នាំនេះ និង យឺតជាង ៤.៧ ភាគរយក្នុងអំឡុងខែមករាដល់ខែកក្កដា ។

គួរបញ្ជាក់ថា កំណើនសេដ្ឋកិច្ចចិនកំពុងមានស្ថិរភាពឡើងវិញ ក្រោយការធ្លាក់ចុះកាលពីដើមឆ្នាំនេះ ខណៈការធ្លាក់ចុះជាបន្តបន្ទាប់នៅក្នុងទីផ្សារលំនៅដ្ឋាន នៅតែជាហានិភ័យចម្បងចំពោះទស្សនវិស័យ ៕

ប្រែសម្រួល៖ នាង រតនៈ

ប្រភព៖​ BNN Bloomberg

ចុចអាន៖ អ្នកជំនាញអន្តរជាតិ៖ ក្រុមឧក្រិដ្ឋជនចិន កំពុងរាលដាលពាសពេញតំបន់អាស៊ីប៉ាស៊ីហ្វិក