អាមេរិក ទំនងជារក្សាអត្រាការប្រាក់ឲ្យនៅខ្ពស់ដដែលនាខែវិច្ឆិកានេះ​

ធនាគារកណ្តាលអាមេរិក ទំនងជានឹងប្រកាសរក្សាអត្រាការប្រាក់ក្នុងកម្រិតខ្ពស់រយៈពេល ២២ ឆ្នាំនៅថ្ងៃពុធ ទី១ ខែវិច្ឆិកាខាងមុខ ដោយសារតែដំណោះស្រាយបញ្ហាអតិផរណានាពេលបច្ចុប្បន្ននេះ អាចនឹងមិនធ្វើឲ្យខូចដល់សេដ្ឋកិច្ចអាមេរិកដែលមានភាពធន់នោះឡើយ ។

អ្នកវិភាគ និងពាណិជ្ជករជាច្រើននាក់រំពឹងលើសលប់ថា ធនាគារកណ្តាលអាមេរិកនឹងរក្សាអត្រាការប្រាក់ថេរសម្រាប់កិច្ចប្រជុំសម្រេចលើកទី ២ ខណៈដែលបញ្ហា​អតិផរណាទំនងជាធ្លាក់ទៅកាន់គោលដៅ ២ ភាគរយវិញ ។

បច្ចុប្បន្ន អត្រាការប្រាក់អាមេរិកស្ថិតនៅចន្លោះពី ៥.២៥ ទៅ ៥.៥ ភាគរយ ខណៈការដំឡើងអត្រាការប្រាក់នេះ គឺដើម្បីទាញទម្លាក់អតិផរណា ក៏ដូចជាដើម្បីបង្កើនថ្លៃដើមនៃការខ្ចីប្រាក់ពីធនាគារផងដែរ ។

ចាប់តាំងពីការដំឡើងដល់កម្រិតខ្ពស់ជាង ៧ ភាគរយនៅក្នុងខែមិថុនាឆ្នាំមុន អតិផរណាអាមេរិក បានធ្លាក់ចុះជាងពាក់កណ្តាល ទោះបីជាបច្ចុប្បន្ន អតិផរណា​គិតត្រឹមខែកញ្ញានៅកម្រិត ៣.៧ ភាគរយក៏ដោយ ។

ពាក់ព័ន្ធនឹងបញ្ហានេះដែរ លោក ចូ​ បៃដិនន បានលើកឡើងថា សេដ្ឋកិច្ចអាមេរិក គឺនៅតែមានរឹងមាំ​ ​ប៉ុន្តែមន្ត្រីធនាគារកណ្តាលបានព្រមានថា ជម្លោះបច្ចុប្បន្នរវាងអ៊ីស្រាអែល និងក្រុមហាម៉ាស់នៅតំបន់ហ្គាហ្សាអាចប៉ះពាល់ដល់សេដ្ឋកិច្ចរបស់អាមេរិកជាមិនខាន៕

ប្រែសម្រួល៖ នាង រតនៈ

ប្រភព៖​ CNA

ចុចអាន៖ វៀតណាម អាចសម្រេចគោលដៅនាំចេញគ្រឿងសមុទ្រ ៩ ពាន់លានដុល្លារក្នុងឆ្នាំនេះ