Connect with us

សេដ្ឋកិច្ច

កម្ពុជាជំរុញការដោះដូរការវិនិយោគមូលបត្របំណុលប្រកបដោយចីរភាព

បានផុស

នៅ

ភ្នំពេញ៖ ទេសាភិបាលធនាគារជាតិនៃកម្ពុជា (NBC) លោកស្រីបណ្ឌិត ជា សិរី បានផ្តួចផ្តើម ការដោះដូរការវិនិយោគមូលបត្របំណុលប្រកបដោយចីរភាព ​ដែលជាដំណោះស្រាយថ្មីមួយសម្រាប់កិច្ចសហប្រតិបត្តិការជាមួយបណ្តា​ប្រទេស​នានានៅក្នុងតំបន់ និងសកលលោក។

ការលើកឡើងនៃគំនិតផ្តួចផ្តើមរបស់លោកស្រីបណ្ឌិត ជា​ សិរី ធ្វើឡើងក្នុងឪកាស​ដែល​លោកស្រីចូលរួមជាវាគ្មិនក្នុងកិច្ចពិភាក្សាលើប្រធានបទ ស្តីពី «តើតំបន់អាស៊ីអាចសម្រេចបាននូវគោលដៅសូន្យ នៃការបំភាយឧស្ម័នផ្ទះកញ្ចក់សុទ្ធដែរឬទេ?»នៅថ្ងៃទី២៤ ខែឧសភា ឆ្នាំ២០២៤ ដែលជាផ្នែកមួយនៃកម្មវិធី Nikkei Forum លើកទី២៩ ក្រោមមូលបទ “អនាគតនៃទ្វីបអាស៊ី”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីនេះត្រូវបានរៀបចំឡើងនៅទីក្រុងតូក្យូពីថ្ងៃទី២៣ ដល់ថ្ងៃទី២៤ ខែឧសភា ឆ្នាំ២០២៤ ដោយមានការចូលរួមពីថ្នាក់ដឹកនាំតំបន់អាស៊ីល្បីៗ រួមទាំងនាយករដ្ឋមន្ត្រី និងរដ្ឋមន្ត្រីផងដែរ។ នេះបើយោងតាម NBC។

លោកស្រីបានលើកឡើងពីគោលដៅអាកាសធាតុរបស់រដ្ឋាភិបាលកម្ពុជា តួនាទីរបស់ធនាគារជាតិនៃកម្ពុជា ក្នុងការសម្របសម្រួលលំហូរហិរញ្ញប្បទានប្រកបដោយចីរភាព និងកិច្ចសហប្រតិបត្តិការក្នុងវិស័យហិរញ្ញវត្ថុនៅតំបន់អាស៊ាន។

លោកស្រីបណ្ឌិតបានលើកគំនិតផ្តួចផ្តើមថា៖« ការដោះដូរការវិនិយោគមូលបត្របំណុលប្រកបដោយចីរភាពដែលជាដំណោះស្រាយថ្មីមួយសម្រាប់កិច្ចសហប្រតិបត្តិការ»។

លោក​ស្រីបណ្ឌិតបានសង្កត់ធ្ងន់លើតម្រូវការធនធានដើម្បីពង្រឹងភាពធន់នឹងអាកាសធាតុរបស់កម្ពុជា ដោយជំរុញឱ្យមានការគាំទ្រពីស្ថាប័នអន្តរជាតិសម្រាប់ប្រទេសដែលងាយរងគ្រោះនិងមានការបំភាយឧស្ម័នទាប ក្នុងការសម្របខ្លួនទៅនឹងបរិស្ថានអាកាសធាតុថ្មី។

កាលពីដើមខែមករា ឆ្នាំ២០២៤នេះ ធនាគារជាតិនៃកម្ពុជា​ ​និង​សាជីវកម្ម​ហិរញ្ញវត្ថុ​អន្តរជាតិ​ ​បាន​ចុះហត្ថលេខា​លើ​កិច្ចព្រមព្រៀង​សហប្រតិបត្តិការ​ដើម្បី​ជំរុញ​ទី​ផ្សារ​ហិរញ្ញវត្ថុ​បៃតង​នៅ​កម្ពុជា​ ​ដែល​គាំទ្រ​ដល់​ការផ្លាស់ប្តូរ​របស់​ប្រទេស​ឆ្ពោះទៅ​រក​សេដ្ឋកិច្ច​បៃតង​។​

ភាពជា​ដៃគូ​នេះ​មាន​គោលបំណង​ជួយ​កម្ពុជា​ដោះស្រាយ​ផល​ប៉ះពាល់​ដែល​បណ្តាលមកពី​ប​ម្រែ​ប​ម្រួ​ល​អាកាសធាតុ​ ​និង​បង្កើត​បរិយាកាស​អំណោយផល​សម្រាប់​ទាញ​យក​សក្តានុពល​ពី​ហិរញ្ញវត្ថុ​បៃតង​។​

​លោក​ ​A​sad​ ​Y​a​qub ​ប្រធាន​ស្ថាប័ន​សាជីវកម្ម​ហិរញ្ញវត្ថុ​អន្តរជាតិ​ប្រចាំ​កម្ពុជា​បាន​ក្នុងពិធី​នោះថា​ថា​កិច្ចព្រមព្រៀង​នេះ​គាំទ្រ​ផែនការ​របស់​កម្ពុជា​ក្នុង​ការដោះស្រាយបញ្ហា​ហា​និ​ភ័យ​នៃ​ការ​ប​ម្រែ​ប​ម្រួ​ល​អាកាសធាតុ​ ​និង​ធ្វើ​អោយ​ទី​ផ្សារ​ហិរញ្ញវត្ថុ​បៃតង​កាន់តែ​រឹង​មាំ​។​ ​

លោកថា៖«ក្នុងនាម​ជា​ស្ថាប័ន​ឈាន​មុខ​នៃ​ហិរញ្ញវត្ថុ​បៃតង​សកល​ ​យើង​នឹង​ជួយ​កម្ពុជា​ក្នុង​ការ​ប្រមូល​ហិរញ្ញប្បទាន​អាកាសធាតុ​សំខាន់​ៗ​ ​រួមចំណែក​ដល់​ផែនទី​កំណើន​បៃតង​ ​ប្រកបដោយ​បរិ​យា​ប័ន្ន ​និង​ភាព​ធន់​នា​ពេល​អនាគត​»​​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៨ វិនាទី មុន

អភិបាលខណ្ឌច្បារអំពៅ ដាក់ទិសដៅពង្រឹងការអនុវត្តគោលនយោបាយ ភូមិ សង្កាត់ មានសុវត្ថិភាព និងលុបបំបាត់ក្មេងទំនើង

ព័ត៌មានជាតិ១២ នាទី មុន

ក្រសួងមហាផ្ទៃ កំពុងពិនិត្យទិដ្ឋភាពច្បាប់ បន្ទាប់ពីតំណាងកម្មករ ជាង ១៣ ម៉ឺននាក់ ដាក់ញត្តិស្នើសុំកិច្ចអន្តរាគមន៍

ព័ត៌មានជាតិ២០ នាទី មុន

សម្ដេចធិបតីលើកទឹកចិត្តឱ្យគ្រឹះស្ថានឧត្តមសិក្សាចូលរួមក្នុងបណ្តាញសាកលវិទ្យាល័យសាយប័រ

សេដ្ឋកិច្ច២៦ នាទី មុន

បុព្វលាភក្នុងឧស្សាហកម្មធានារ៉ាប់រងរបស់កម្ពុជាកើនដល់១៥០លានដុល្លារក្នុងរយៈ៥ខែ

ចរាចរណ៍៣៨ នាទី មុន

បឋម៖ ក្រឡាប់រថយន្ដដឹកកម្មកររោងចក្រ របួសធ្ងន់ស្រាល៤៥នាក់

Sokha Hotels

ព័ត៌មានពេញនិយម