ព័ត៌មានអន្ដរជាតិ
តម្លៃប្រេងធ្លាក់ចុះជាង ៤ ភាគរយ ពេលបញ្ចប់ការជួញដូរថ្ងៃអង្គារ
តម្លៃប្រេងឆៅបានធ្លាក់ចុះប្រមាណជាង ៤ ភាគរយ នៅពេលបញ្ចប់ការជួញដូរកាលពីថ្ងៃអង្គារ ដោយសារតែការរំពឹងទុកពីបទឈប់បាញ់រវាងអ៊ីស្រាអែល និងក្រុមហេសប៊ូឡាហ៍របស់លីបង់ ទោះបីជាតម្លៃអាចហក់ឡើងវិញក្រោមក្ដីបារម្ភជុំវិញលទ្ធភាពដែលក្រុងតែវអាវីវអាចវាយប្រហារលើហេដ្ឋារចនាសម្ព័ន្ធប្រេងរបស់អ៊ីរ៉ង់ដើម្បីសង់សឹកក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងនាពេលអនាគត ម៉ាក Brent បានធ្លាក់ចុះ ៣,៧៥ ដុល្លារ ឬ ៤,៦៣ ភាគរយ ដោយបញ្ចប់ការជួញដូរនៅត្រឹម ៧៧,១៨ ដុល្លារ/បារ៉ែល ខណៈតម្លៃប្រេងនាពេលអនាគតអាមេរិក West Texas Intermediate (WTI) បានធ្លាក់ចុះ ៣,៥៧ ដុល្លារ ឬ ៤,៦៣ ភាគរយ ដោយបញ្ចប់ការជួញដូរត្រឹម ៧៣,៥៧ ដុល្លារ/បារ៉ែល។ វគ្គជួញដូរខ្លះកាលពីថ្ងៃអង្គារ តម្លៃប្រេងទាំង២ បានធ្លាក់ចុះរហូតដល់ជាង ៤ ដុល្លារទៀតផង។
អ្នកវិភាគ បានទាញភ្ជាប់ការធ្លាក់ចុះនៃតម្លៃប្រេងនេះ ទៅនឹងព័ត៌មានពីលទ្ធភាពបទឈប់បាញ់រវាងអ៊ីស្រាអែល និងក្រុមហេសប៊ូឡាហ៍ ហើយថាតម្លៃអាចនឹងបន្តឡើងចុះទៅតាមស្ថានភាពនៃជម្លោះ ចំពេលដែលភាពតានតឹងរវាងអ៊ីស្រាអែល និងអ៊ីរ៉ង់កំពុងបន្ត។ អ្នកវិភាគបានព្រមានប៉ុន្មានថ្ងៃចុងក្រោយនេះថា ប្រសិនបើអ៊ីស្រាអែលវាយប្រហារហេដ្ឋារចនាសម្ព័ន្ធប្រេងរបស់អ៊ីរ៉ង់ ដើម្បីឆ្លើយតបនឹងការផ្លោងម៊ីស៊ីលរបស់ក្រុងតេអេរ៉ង់ជិត២០០ដើមនោះ នោះតម្លៃប្រេងអាចនឹងហក់ឡើងខ្ពស់ខ្លាំងភ្លាមៗ។
គួររំឭកថា កាលពីថ្ងៃចន្ទ តម្លៃប្រេង ម៉ាក Brent បានកើនឡើងលើសពី ៨០ ដុល្លារ/បារ៉ែល ជាលើកដំបូងរាប់តាំងពីខែសីហា ក្រោយកំណើនប្រចាំថ្ងៃច្រើនជាង ៣ ភាគរយ។ កំណើនកាលពីថ្ងៃចន្ទ កើតមានឡើងក្រោយតម្លៃប្រេងបានកើនឡើងប្រមាណជាង ៨ ភាគរយ កាលពីសប្ដាហ៍មុន ដែលជាកំណើនប្រចាំសប្ដាហ៍ខ្ពស់បំផុតជាង១ឆ្នាំ ដោយសារតែភាពតានតឹងនៃជម្លោះនៅមជ្ឈិមបូព៌ាដដែល។
ក្រៅតែពីជម្លោះមជ្ឈិមបូព៌ា វិនិយោគិនក៏កំពុងសម្លឹងមើលស្ថានភាពព្យុះសង្ឈរា Milton នៅឈូងសមុទ្រម៊ិកស៊ិក ដែលកំពុងបក់បោកទៅលើរដ្ឋហ្វ្លរីដាផងដែរ។ ព្យុះនេះបានបង្កើនកម្លាំងដល់កម្រិតសាហាវបំផុត ដែលអាចរំខានដល់ការផ្គត់ផ្គង់ប្រេងនៅតំបន់ជាប់ឈូងសមុទ្រម៊ិកស៊ិករបស់អាមេរិក៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ