ព័ត៌មានអន្ដរជាតិ

អាមេរិកគ្រោងដាក់ពន្ធប្រឆាំងការលក់បង្ខូចតម្លៃលើដែកថែបវៀតណាម

បានផុស

១១ ខែ មុន

នៅ

ថ្ងៃអាទិត្យ ៣១ សីហា ២០២៥

ដោយ

ក្រសួងពាណិជ្ជកម្មសហរដ្ឋអាមេរិកកាលពីពេលថ្មីៗនេះ បានប្រកាសថា ខ្លួននឹងដាក់ពន្ធប្រឆាំងការលក់បង្ខូចតម្លៃលើការនាំចូលដែកថែបធន់នឹងច្រែះ (CORE) ពីប្រទេសចំនួន ១០ រួមទាំងប្រទេសវៀតណាមផងដែរ ក្រោយពីរកឃើញថាដែកថែបនាំចូលទាំងនោះដាក់តម្លៃថោកៗ ឬទទួលបានការឧបត្ថម្ភធនពីរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបាននិយាយយ៉ាងដូច្នេះថា៖ «ក្រសួងពាណិជ្ជកម្មបានកំណត់ជាចុងក្រោយថា CORE ដែលបាននាំចូលមកសហរដ្ឋអាមេរិកពីដៃគូពាណិជ្ជកម្មចំនួន ១០ ត្រូវបានលក់បង្ខូចតម្លៃ និង/ឬទទួលបានការឧបត្ថម្ភធន»។

ការកំណត់នេះប៉ះពាល់លើផលិតផល CORE ដែលមានសារៈសំខាន់ផលិតកម្មរថយន្ត គ្រឿងប្រើប្រាស់ និងសំណង់អាគារ ក្នុងតម្លៃសរុប ២,៩ ប៊ីលានដុល្លារអាមេរិក ដែលនាំចូលពីវៀតណាំម អូស្ត្រាលី ប្រេស៊ីល កាណាដា ម៉ិកស៊ិក ហូឡង់ អាហ្រ្វិកខាងត្បូង តៃវ៉ាន់ តួកគី និងអារ៉ាប់រួម។

សម្រាប់វៀតណាម ពន្ធបង្កការគំរាមកំហែងទ្វេដង។ សហរដ្ឋអាមេរិកគឺជាទីផ្សារដែកថែបដ៏សំខាន់ ដូច្នេះការដាក់ពន្ធអាចធ្វើឱ្យការប្រកួតប្រជែងតម្លៃចុះខ្សោយ កាត់បន្ថយការបញ្ជាទិញ និងជំរុញក្រុមហ៊ុនឱ្យស្វែងរកអ្នកទិញថ្មី។ ទន្ទឹមនឹងនេះ សេចក្តីសម្រេចបានឆ្លុះបញ្ចាំងពីកំណើនគោលនយោបាយការពារនិយមជាសាកល ដែលធ្វើឱ្យវិស័យដែកថែបវៀតណាមងាយរងគ្រោះទៅនឹងការស៊ើបអង្កេតប្រឆាំងនឹងការលក់បង្ខូចតម្លៃ៕