កូវីដ-១៩
វេជ្ជបណ្ឌិតព្រមានការប្រើថ្នាំពេទ្យដោយខ្លួនឯងអាចនាំឱ្យអ្នកជំងឺកូវីដមានអាការកាន់តែធ្ងន់ធ្ងរ
វេជ្ជបណ្ឌិតជំនាញព្រមានថា ការប្រើថ្នាំពេទ្យដោយខ្លួនឯងអាចបង្កើនភាពធ្ងន់ធ្ងរចំពោះអ្នកជំងឺកូវីដ-១៩។ នេះបើតាមការចុះផ្សាយពីកាសែត INDIA TODAY កាលពីពេលថ្មីៗកន្លងទៅ។
វេជ្ជបណ្ឌិតមកពីវិទ្យាស្ថានស្រាវជ្រាវនិងអប់រំឱសថសាស្ត្រ Post Graduate ហៅកាត់ (PGIMER) នៅប្រទេសឥណ្ឌា បានព្រមានថា ការប្រើថ្នាំស្តេរ៉ូអ៊ីដ(steroids) និងថ្នាំអង់ទីប៊ីយោទិច(antibiotics) ដើម្បីប្រឆាំងវីរុស ដោយមិនពិគ្រោះយោបល់ជាមួយគ្រូពេទ្យអាចនាំឱ្យរោគសញ្ញាអ្នកជំងឺកូវីដ-១៩មានសភាពធ្ងន់ធ្ងរទ្វេរដង។
សាស្រ្តាចារ្យ GD Puri ប្រធានផ្នែកថ្នាំសន្លប់និងសេវាថែទាំ ក៏ជាព្រឹទ្ធបុរសនៅវិទ្យាស្ថាន PGIMER និយាយថា “ នៅពេលអ្នកជំងឺធ្វើតេស្តវិជ្ជមាន Covid-19 ពួកគេមានការភ័យខ្លាច ទើបចាប់ផ្តើមរត់ទៅរកថ្នាំដើម្បីកម្ចាត់វីរុសដោយខ្លួនឯង។”
ជាអកុសល ថ្នាំខ្លះមិនត្រឹមតែមិនអាចព្យាបាលនោះទេ នៅអាចបង្កឱ្យមានគ្រោះថ្នាក់ថែមទៀតផង។ ថ្នាំមួយចំនួនរួមមាន ថ្នាំស្តេរ៉ូអ៊ីដ ថ្នាំ Remdesivir ថ្នាំ Tocilizumab និងថ្នាំ Itolizumab ដែលកាលណាប្រើមិនត្រឹមត្រូវនឹងបង្កើនហានិភ័យខ្ពស់ ដោយអាចបណ្ដាលឱ្យភាពធ្ងន់ធ្ងរនៃអ្នកជំងឺកាន់តែមិនស្រួលខ្លាំងឡើង។
វេជ្ជបណ្ឌិតនៅវិទ្យាស្ថាន PGIMER បានណែនាំឱ្យប្រើថ្នាំស្តេរ៉ូអ៊ីដដោយមានការវិនិច្ឆ័យច្បាស់លាស់ ដែលស្ថិតក្រោមការត្រួតពិនិត្យពីអ្នកឯកទេសជាមុន ទើបផ្ដល់សុវត្ថិភាព។
ករណីសិក្សាមួយធ្វើឡើងដោយ PGIMER បានបង្ហាញថា អ្នកជំងឺជាច្រើនកំពុងចាក់និងលេបថ្នាំស្តេរ៉ូអ៊ីដដោយខ្លួនឯង ដែលនេះបណ្តាលឱ្យអាការកាន់តែយ៉ាប់។ មិនតែប៉ុណ្ណោះ ថ្នាំស្តេរ៉ូអ៊ីតអាចបង្កើនការចម្លងវីរុសក្នុងខ្លួនទៀតផង ហើយប្រសិនបើត្រូវបានប្រើនៅដំណាក់កាលឆ្លងដំបូង វាអាចបង្កើនរោគសញ្ញាធ្ងន់ធ្ងរ។
ចំណែកថ្នាំ Remdesivir ដែលធ្លាប់ប្រើក្នុងដំណាក់កាលនៃការចម្លងវីរុសដំបូងៗ ក៏មិនត្រូវបានលើកទឹកចិត្តឱ្យប្រើដោយខ្លួនឯងដែរ ជាពិសេសអ្នកជំងឺដែលមានបញ្ហាថ្លើម៕
ប្រែសម្រួល៖ សន្យា
ប្រភព៖ India Today
ចុចអាន៖ ក្រៅពីវ៉ាក់សាំង ថ្នាំគ្រាប់៤ប្រភេទនេះ អាចជាអាវុធរបស់ពិភពលោកក្នុងសង្គ្រាមកម្ចាត់កូវីដ
ចុចអាន៖ ពិភពលោកមានសង្ឃឹមហើយ!ថ្នាំលេបប្រឆាំងកូវីដអាចមានប្រើប្រាស់នៅមុនដំណាច់ឆ្នាំនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ