កូវីដ-១៩

អ្នកជំនាញប្រាប់ពីរបបអាហារសម្រាប់អ្នកជំងឺកូវីដកម្រិតស្រាល គួរទទួលទានឲ្យឆាប់ជាសះស្បើយរហ័ស

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

កូវីដ កំពុងវាយលុកលើពិភពលោក ខណៈពេលដែលមនុស្សគ្រប់គ្នាកំពុងតែពង្រឹងប្រព័ន្ធភាពស៊ាំក្នុងរាងកាយឲ្យមាំទាំក្នុងគ្រានេះ។ ប៉ុន្តែបើទោះបីជាមានការប្រុងប្រយ័ត្នយ៉ាងណា ក៏នៅតែមិនអាចចៀសផុតពីជំងឺឆ្លងដែរ។

ក្នុងករណីនេះអ្នកជំនាញអាហារូបត្ថម្ភដ៏ល្បីល្បាញលោកស្រី Pooja Makhija បានបង្ហាញនូវបញ្ជីអាហារដែលអ្នកជំងឺកូវីដក្នុងកម្រិតស្រាល គួរតែព្យាយាមបញ្ចូលក្នុងរបបអាហាររបស់ខ្លួនជាប្រចាំថ្ងៃ ដើម្បីជួយពង្រឹងប្រព័ន្ធភាពស៊ាំក្នុងរាងកាយ ជាពិសេសឆាប់ជាសះស្បើយរហ័ស។

ដោយសង្កត់ធ្ងន់លើសារៈសំខាន់នៃការបញ្ចូលប្រូតេអ៊ីនល្អៗ ទៅក្នុងរបបអាហារ។ លោកស្រីបាននិយាយថា “ប្រូតេអ៊ីនដែលមានគុណភាពល្អនឹងបង្កើនអង់ទីគ័រដើម្បីការពារអ្នក” ។ អាហារទាំងនោះអ្នកអាចរួមបញ្ចូលជាមួយបន្លែបៃតង ស៊ុបមាន់ ស៊ុតទាស៊ុតមាន់ ផ្លែឈើចម្រុះនិងគ្រាប់ធញ្ញជាតិដែលផ្ដល់ជីជាតិដល់រាងកាយបន្ថែមទៀត។

លោកស្រីបន្ថែមថា ការបាត់បង់ក្លិននិងរសជាតិអាចធ្វើឲ្យអ្នកជំងឺងាកទៅរកអាហារឥតប្រយោជន៍ឬអាហារដែលសំបូរជាតិស្ករនិងអំបិល។ អាហារទាំងនេះសម្រាប់អ្នកជំងឺកូវីដគួរតែត្រូវបានជៀសវាង ហើយផ្ដោតអារម្មណ៍លើអាហារណាដែលចម្អិននៅផ្ទះនិងមានសុខភាពល្អជាងនេះប៉ុណ្ណោះ។

លោកស្រីបន្ថែមចុងក្រាយថា” ជាការពិតណាស់ ការទទួលទានអាហារដែលមានតុល្យភាពនិងចៀសវាងអាហារកែច្នៃ គឺជាទាហានការពារដ៏សំខាន់បំផុតសម្រាប់មុខងារភាពស៊ាំក្នុងរាងកាយ ថែមទាំងធ្វើឲ្យអ្នកជំងឺកូវីដមានសុខភាពល្អ ឆាប់ជាសះស្បើយរហ័ស ” ៕

ប្រែសម្រួល៖ សាង ស្រីល័ក្ខ

ប្រភព៖food.ndtv

ចុចអាន៖WHO និងអាមេរិក ប្រាប់គន្លឹះសំខាន់ៗនៃរបបអាហារគួរទទួលទានជួយប្រព័ន្ធភាពស៊ាំប្រឆាំងកូវីដ

ចុចអាន៖គួរចៀសវាងអាហារ ៥ ប្រភេទនេះដាច់ខាត បើចង់ឲ្យវ៉ាក់សាំងមានប្រសិទ្ធភាពខ្លាំងក្រោយចាក់ហើយ

Related Topics:ការទទួលទានអាហារ