ឥណ្ឌា ក្លាយជាប្រទេសទី៣លើលោក មានអ្នកស្លាប់ដោយសារកូវីដលើស ៣០ម៉ឺននាក់

ឥណ្ឌា បានក្លាយជាប្រទេសទី៣នៅលើពិភពលោក ដែលមានអ្នកស្លាប់ដោយសារជំងឺកូវីដ-១៩លើស ៣០ម៉ឺននាក់ បន្ទាប់ពីសហរដ្ឋអាមេរិកនិងប្រេស៊ីល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះបានកើតឡើង ស្របពេលដែលឥណ្ឌា កំពុងតែប្រយុទ្ធជាមួយរលកកូវីដទី២ដ៏សាហាវ ដែលបច្ចុប្បន្នកំពុងវាយប្រហារតំបន់ជនបទក្រីក្រ។ 

នៅថ្ងៃចន្ទនេះ ក្រសួងសុខាភិបាលឥណ្ឌា បានរាយការណ៍អំពីអ្នកស្លាប់ដោយសារកូវីដ ចំនួន ៤,៤៥៤នាក់ក្នុងរយៈពេល២៤ម៉ោងចុងក្រោយ ដោយនាំឲ្យចំនួនអ្នកស្លាប់សរុបកើនដល់ ៣០៣.៧២០នាក់។

យោងតាមទិន្នន័យរបស់ក្រសួងសុខាភិបាល បានឲ្យដឹងថា ចំនួនអ្នកឆ្លងវីរុសកូវីដ-១៩ ប្រចាំថ្ងៃ ក៏មាន ២២២,៣១៥ករណីផងដែរ ដែលនាំឲ្យករណីសរុបកើនដល់ ២៦.៧៥ លានករណី។

ទោះបីជាយ៉ាងណាក៏ដោយ អ្នកជំនាញជាច្រើនជឿថា ចំនួនពិតប្រាកដគឺខ្ពស់ជាងតួលេខនេះឆ្ងាយណាស់ ជាពិសេសនៅពេលដែលជំងឺនេះ រាលដាលទៅដល់តំបន់ជនបទ ដែលជាកន្លែងមានប្រជាជនរស់នៅច្រើននិងប្រព័ន្ធសុខាភិបាលអន់ខ្សោយ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ទោះមួយថ្ងៃឆ្លងជាង១ពាន់ករណី ទីក្រុង ញូវ ដែលី ប្រកាសចាប់ផ្តើមបន្ធូរបន្ថយវិធានការរឹតត្បិត