កូវីដ-១៩

ខេត្តរតនគិរីរកឃើញអ្នកឆ្លងជំងឺកូវីដ១៩ ម្នាក់ ជាពលករមកពីប្រទេសថៃ និងអ្នកជាសះស្បើយចំនួន ០៥នាក់

បានផុស

៥ years មុន

នៅ

ថ្ងៃអង្គារ ១ មិថុនា ២០២១

ដោយ

រតនគិរី ៖ រដ្ឋបាលខេត្តរតនគិរីបានចេញសេចក្តីប្រកាសព័ត៌មាន ស្ដីអំពីករណីជាសះស្បើយអ្នកជំងឺកូវីដ១៩ ចំនួន ០៥នាក់និងរកឃើញករណីឆ្លងកូវីដ១៩ថ្មី ០១នាក់។

អ្នកជាសះស្បើយចំនួន០៥នាក់ ត្រូវបានអនុញ្ញាតឲ្យចេញទៅផ្ទះ ដោយត្រូវបន្តធ្វើចត្តាឡីស័ក ដោយខ្លួនឯងរយៈពេល ១៤ថ្ងៃ។ ក្នុងនោះអ្នកជាសះស្បើយចំនួន ០៥នាក់រួមមាន: ១- ឈ្មោះ នឹម អេងភេទប្រុស អាយុ៣៤ឆ្នាំ រកឃើញវិជ្ជមាន ថ្ងៃទី០៩ ខែឧសភា ឆ្នាំ២០២១។ ២- ឈ្មោះ គង់ វីន ភេទប្រុសអាយុ១៨ឆ្នាំ រកឃើញវិជ្ជមានថ្ងៃទី០៩ ខែឧសភា ឆ្នាំ២០២១។ ៣-ឈ្មោះ ប៊ឿន យុត ភេទប្រុស អាយុ៣៧ឆ្នាំ រកឃើញ ថ្ងៃទី១១ ខែឧសភា ឆ្នាំ២០២១ ៤- ឈ្មោះ ឡែវ រ៉ាវី ភេទស្រីអាយុ១៩ឆ្នាំ រកឃើញវិជ្ជមានថ្ងៃទី១២ ខែឧសភា ឆ្នាំ២០២១ និង៥- ឈ្មោះ ដន ហាត ភេទប្រុស អាយុ៤៣ឆ្នាំ រកឃើញវិជ្ជមានថ្ងៃទី១៣ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកកាលពីថ្ងៃទី៣១ ខែឧសភា ឆ្នាំ២០២១ តាមរយៈការយកសំណាកធ្វើតេស្ត PCR លើកទី២ នៅមន្ទីរពេទ្យព្រះកេតុមាលាលើឈ្មោះ ពេជ្រ ជីតា ភេទស្រី អាយុ៣៨ឆ្នាំ ជាលទ្ធផល គឺវិជ្ជមានកូវីដ១៩។

សូមបញ្ជាក់ថា ឈ្មោះ ពេជ្រធីតា គឺជាពលករទើបតែត្រឡប់មកពីប្រទេសថៃ ជាមួយប្ដីឈ្មោះ ឡេង វុទ្ធី ភេទប្រុស អាយុ៣២ឆ្នាំ ដែលបានរកឃើញវិជ្ជាមានកូវីដ១៩ កាលពីថ្ងៃទី២៨ ខែឧសភា ឆ្នាំ២០២១ កន្លងមកនេះ។

បច្ចុប្បន្នអ្នកទាំងពីរកំពុងសម្រាកព្យាបាលនៅមណ្ឌលវិទ្យាល័យត្រពាំងក្រហមស្រុកកូនមុំ ខេត្តរតនគិរី។

គិតត្រឹមថ្ងៃទី០១ ខែមិថុនា ឆ្នាំ២០២១នេះ នៅក្នុងខេត្តរតនគិរី បានរកឃើញអ្នកវិជ្ជមានកូវី-១៩ សរុប ១៥នាក់ ក្នុងនោះ បានព្យាបាលជាសះស្បើយចំនួន០៥នាក់ និងកំពុងបន្តសម្រាកព្យាបាលចំនួន១០នាក់ផងដែរ៕

ដោយ ៖ វុទ្ធឦសាន