កូវីដ-១៩

ម្ដាយនិងទារកអាយុ៧ខែ វិជ្ជមានកូវីដ-១៩ ទទួលសម្ភារប្រើប្រាស់ពីអភិបាលខេត្តរតនគិរី

បានផុស

៤ years មុន

នៅ

ថ្ងៃអាទិត្យ ៦ មិថុនា ២០២១

ដោយ

បន្ទាប់ពីរកឃើញវិជ្ជមានកូវីដ-១៩ កាលពីថ្ងៃទី៣ ខែមិថុនា ឆ្នាំ២០២១ នៅទីតាំងពិនិត្យត្រង់ចំណុចស្ពានស្រែពក ព្រំប្រទល់ខេត្តរតនគិរី និងខេត្តស្ទឹងត្រែង ដែលជាករណីទី១៧ សម្រាប់ខេត្តរតនគិរី អ្នកវិជ្ជមានខាងលើមានឈ្មោះ ឡៃ ស្រីពេជ្រ ភេទស្រី អាយុ២១ឆ្នាំ ជនជាតិខ្មែរ មានទារកអាយុ៧ខែ ឈ្មោះ អាង សុខឃាង ត្រូវបាននាំមកសម្រាកព្យាបាលជាមួយគ្នា នៅមណ្ឌលព្យាបាលវិទ្យាល័យត្រពាំងក្រហម ស្ថិតនៅភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមើលឃើញពីការលំបាករបស់ទារក និងស្ដ្រីខាងលើ ក្នុងពេលដែលកំពុងសម្រាកព្យាបាល លោកអភិបាលខេត្ត បានផ្ដល់អំណោយរួមមាន អង្រឹង និងឃីតសម្រាប់ទារក សម្រាប់ឲ្យម្ដាយ និងកូនយកទៅប្រើប្រាស់ក្នុងស្ថានភាព ដែលកំពុងព្យាបាលជំងឺនេះ។

លោកបានជូនពរដល់ប្អូនស្រី និងកូន ក៏ដូចជាអ្នកវិជ្ជមានកូវីដ-១៩ ទាំងអស់ឆាប់បានជាសះស្បើយ មានសុខភាពធម្មតាឡើងវិញ និងសូមឲ្យអ្នកវិជ្ជមានទាំងអស់ស្ដាប់ និងធ្វើតាមការណែនាំរបស់ក្រុមគ្រូពេទ្យឲ្យបានខ្ជាប់ខ្ជួន ទើបឆាប់បានជាសះស្បើយ៕

អត្ថបទ ៖ វុទ្ធឦសាន