កូវីដ-១៩

ខេត្តសៀមរាប រកឃើញករណីថ្មីវិជ្ជមានកូវីត១៩ ចំនួន១២៣នាក់, ស្លាប់២នាក់ និងមានជាសះស្បើយ ចំនួន ៤៧នាក់

បានផុស

៥ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

សៀមរាប ៖ នេះជាលើកទីមួយហើយ នៅក្នុងរយៈពេល២ឆ្នាំមកនេះ ដែលខេត្តសៀមរាប ផ្ទុះរកឃើញករណីថ្មីអ្នកវិជ្ជមានកូវីដ១៩យ៉ាងច្រើន ដែលមិនធ្លាប់មានពីមុនមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅយប់ថ្ងៃទី០១ ខែកក្កដា ឆ្នាំ២០២១ នេះបើតាមផេកហ្វេសបុករបស់លោក វេជ្ជបណ្ឌិត ក្រុស សារ៉ាតប្រធានមន្ទីរសុខាភិបាល នៃរដ្ឋបាលខេត្តសៀមរាប បានចុះផ្សាយនៅម៉ោងជាង៦ ក្នុងថ្ងៃទី០១ កក្កដា ថាថ្ងៃនេះក្រុមគ្រូពេទ្យអាវសរ របស់នៃរដ្ឋបាលខេត្តសៀមរាប រកឃើញករណីថ្មី អ្នកវិជ្ជមានកូវិដ ១៩ រហូតដល់ទៅ១២៣នាក់ស្លាប់២នាក់និងជាសះស្បើយ ៤៧នាក់បានចេញពីមន្ទីរពេទ្យ នេះជាផ្ទុះឆ្លងរាលដាលនៃជំងឺកូវីដ១៩ ដូច្នេះហើយសូមពុកម៉ែបងប្អូនអ្នកសៀមរាបទាំងអស់ ចូលរួមស្តាប់តាមការណែនាំរបស់ក្រសួងសុខាភិបាល ៣កុំ៣ការពារឲ្យបានខ្ជាប់ខ្ជួនជានិច្ច ព្រោះថា យើងអាចភ្លេចកូវីដ តែកូវីដ១៩ នេះវាមិនបានភ្លេចយើងនោះទេ។

សូមបញ្ជាក់ថា មកទល់យប់ថ្ងៃទី០១ ខែកក្កដា នេះខេត្តសៀមរាប មានអ្នកវិជ្ជមានកូវីដ ១៩ ចំនួន ១២៦៨នាក់ បានព្យាបាលជាសះស្បើយ ចំនួន ៤៨៣នាក់ ស្លាប់១៣នាក់ និង ៨២១នាក់កំពុងសំរាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីកស័ក គរុកោសល្យ និងវិក្រឹតការខេត្តនិងវិទ្យាល័យដំដែក៕

ដោយ ៖ គឿនវេត