កូវីដ-១៩

រដ្ឋបាលខេត្តរតនគិរីរកឃើញអ្នកឆ្លងជំងឺកូវីដ១៩ ថ្មី ៤នាក់បន្ថែមទៀត កើនឡើងដល់ ៦៤៨នាក់

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

រតនគិរី ៖ រដ្ឋបាលខេត្តរតនគិរីចេញសេចក្តីព័ត៌មាន បញ្ជាក់ពីការរកឃើញករណីវិជ្ជមានកូវីដ១៩ ចំនួន៤នាក់ និងជាសះស្បើយចំនួន១៤នាក់សម្រាប់ថ្ងៃទី២២ ខែកក្កដា ឆ្នាំ២០២១នៅក្នុងភូមិសាស្ត្រខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានខិតខំបន្តស្រាវជ្រាវស្វែងរកអ្នកពាក់ព័ន្ធជាមួយអ្នកវិជ្ជមានជំងឺកូវីដ១៩ នៅក្នុងខេត្តកន្លងមកនិងបានយកសំណាកមនុស្សចំនួន ៣១៩នាក់ ជាលទ្ធផលរកឃើញករណីវិជ្ជមាននៅក្នុងខេត្តចំនួន ៤នាក់រួមមាន ៖

១-ឈ្មោះ ហេង រតនា ភេទប្រុស អាយុ១២ឆ្នាំ ជនជាតិខ្មែរ មានទីលំនៅភូមិ៤ សង្កាត់កាចាញ ក្រុងបានលុង ខេត្តរតនគិរី។

២-ឈ្មោះ យិន សុខលី ភេទស្រី អាយុ៤៨ឆ្នាំ ជនជាតិខ្មែរ មានទីលំនៅភូមិ៤ ឃុំត្រពាំងច្រេស ស្រុកកូនមុំខេត្តរតនគិរី។

៣-ឈ្មោះ ធីន រតនា ភេទប្រុស អាយុ៧ឆ្នាំ ជនជាតិខ្មែរ មានទីតាំនៅភូមិ ៤ ឃុំត្រពាំងច្រេស ស្រុកកូនមុំ ខេត្តរតនគីរី។

និង៤-ឈ្មោះ ធីន រតនះ ភេទប្រុស អាយុ១០ឆ្នាំ ជនជាតិខ្មែរ មានទីសំនៅភូមិ៤ ឃុំត្រពាំងច្រេស ស្រុកកូនមុំ ខេត្តរតនគិរី។ ដោយឡែកថ្ងៃទី២២ ខែកក្កដានេះ មានអ្នកជំងឺកូវីដ១៩ ចំនួន ១៤នាក់ ត្រូវបានក្រុមគ្រូពេទ្យអនុញ្ញាតឲ្យចេញពីមណ្ឌលព្យាបាលនឹងត្រូវបន្តធ្វើចត្តាឡីស័កដោយខ្លួនឯងរយៈពេល១៤ថ្ងៃ ដើម្បីតាមដានសុខភាពមុននិងប្រាស្រ័យទាក់ទងជាមួយអ្នកដទៃ។

សូមបញ្ជាក់ថា គិតត្រឹមថ្ងៃទី២២ ខែកក្កដា ឆ្នាំ២០២១ នៅខេត្តរតនគិរីមានអ្នកវិជ្ជមានជំងឺកូវីដ១៩សរុបចំនួន ៦៤៨នាក់ ព្យាបាលជាសះស្បើយសរុបចំនួន ៤៧៥នាក់និងស្លាប់ចំនួន៤នាក់៕

ដោយ ៖ វុទ្ធឦសាន