កូវីដ-១៩

រដ្ឋបាលខេត្តរតនគិរី បង្ហាញអត្តសញ្ញាណអ្នកឆ្លងមេរោគបំប្លែងថ្មី(Delta)ចំនួន៩ករណីនៅក្នុងខេត្តរតនគិរី

បានផុស

៥ years មុន

នៅ

ថ្ងៃសៅរ៍ ៧ សីហា ២០២១

ដោយ

រតនគិរី ៖ រដ្ឋបាលខេត្តរតនគិរី ចេញសេចក្តីប្រកាសព័ត៌មាន ស្ដីពីករណីរកឃើញមេរោគបំប្លែងថ្មី(Delta)ចំនួន ៩ករណីកាលពីថ្ងៃទី២ ខែសីហា ឆ្នាំ២០២១។ នេះបើយោងតាមសេចក្តីប្រកាសព័ត៌មានរបស់រដ្ឋបាលខេត្តចេញនៅថ្ងៃទី៧ ខែសីហា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានយកវត្ថុវិភាគអ្នកវិជ្ជមានជំងឺកូវីដ១៩ ដើម្បីធ្វើវត្ថុវិភាគ(PCR Test)នៅវិទ្យាស្ថានប៉ាស្ទ័រកម្ពុជាចំនួន ១២នាក់ជាលទ្ធផលបានរកឃើញមេរោគបម្លែងខ្លួនប្រភេទ(Delta)ចំនួន ៩ករណី។

តាមរបាយការណ៍ពីមន្ទីរសុខាភិបាលនៃរដ្ឋបាលខេត្តបានឲ្យដឹងថា អ្នកទាំងនោះជាពលរដ្ឋធ្វើដំណើរមកពីស្រុកសូត្រនិគម ខេត្តសៀមរាប ដើម្បីបម្រើការងារនៅក្រុមហ៊ុនវិនិយោគដីសម្បទានសេដ្ឋកិច្ចក្នុងខេត្តរតនគិរី កាលពីថ្ងៃទី១៣ ខែកក្កដា ឆ្នាំ២០២១ ដោយបានធ្វើចត្តាឡីស័ក និងបន្ទាប់មកក្រុមការងារសុខាភិបាលបានធ្វើវត្ថុវិភាគ(Rapid Test)រកឃើញវិជ្ជាមាន កាលពីថ្ងៃទី១ ខែសីហា ឆ្នាំ២០២១ និងបានបញ្ជូនទៅព្យាបាលនៅមណ្ឌលព្យាបាលវិទ្យាល័យត្រពាំងក្រហម ស្រុកកូនមុំ។

បច្ចុប្បន្នអាជ្ញាធរបានយកអ្នកវិជ្ជាមានមេរោគបំប្លែងថ្មី(Delta)ទាំង៩នាក់ ដាក់ព្យាបាលដាច់ដោយឡែកពីអ្នកវិជ្ជាមានដទៃទៀត និងស្រាវជ្រាវរកពាក់ព័ន្ធដើម្បីធ្វើតេស្តរកមេរោគកាច់ផ្តាច់ការចម្លងចូលក្នុងសហគមន៍៕

ដោយ ៖ វុទ្ធឦសាន