ជីវិតកម្សាន្ដ

អតីតបវរកញ្ញាវេណេស៊ុយអេឡា ហៅថៃថា ជា «ប្រទេសសំរាម» និងស្នើឲ្យទៅប្រកួតនៅ អាមេរិក វិញ

បានផុស

៨ ខែ មុន

នៅ

ថ្ងៃសុក្រ ៧ វិច្ឆិកា ២០២៥

ដោយ

បវរកញ្ញាចក្រវាឡវេណេស៊ុយអេឡាឆ្នាំ ១៩៩៦ នាង Alicia Machado កាលពីថ្ងៃទី៥ ខែវិច្ឆិកា បានហៅថៃថា ជា «ប្រទេសសំរាម» ។ នាងបានថ្កោលទោសយ៉ាងខ្លាំងចំពោះលោក Nawat Itsaragrisil ថា ជាមនុស្សឥតប្រយោជន៍ ដោយស្នើឲ្យផ្លាស់ប្តូរកម្មវិធីប្រកួតសម្រស់ Miss Universe ទៅកាន់ទីតាំងផ្សេងដូចជាសហរដ្ឋអាមេរិក ព្រោះមានសុវត្ថិភាពជាងទឹកដីថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់បវរកញ្ញាចក្រវាឡវេណេស៊ុយអេឡាបានកើតឡើង ស្របពេលដែលភាពចម្រូងចម្រាសមួយទៀតបានផ្ទុះឡើង ផ្អើលកម្មវិធី Miss Universe ឆ្នាំ២០២៥ ពោលគឺលោក Raul Rocha Cantu ដែលជាម្ចាស់ភាគហ៊ុននៃកម្មវិធីប្រកួតបវរកញ្ញាចក្រវាឡ បានចេញសេចក្តីថ្លែងការណ៍សងសឹកប្រឆាំងទៅនឹងលោក Nawat ដែលរិះគន់ជាសាធារណៈចំពោះបវរកញ្ញាម៉ិកស៊ិក នាំឲ្យនាងយំនិងត្រូវបានដកចេញពីបន្ទប់ប្រជុំក្នុងអំឡុងពេលបំពាក់ឈាងផ្លូវការ។

តាមរបាយការណ៍ពី thethaiger មេធំ MU រូបនេះ បានហៅសកម្មភាពរបស់ម្ចាស់ស្ថាប័ន MGI ថា មិនអាចទទួលយកបាន និងអាម៉ាស់បំផុត ហើយបាននិយាយថា គាត់នឹងមិនអត់ឱនចំពោះការរំលោភបំពានណាមួយលើតម្លៃ ឬសិទ្ធិស្ត្រីរបស់ស្ថាប័ននោះទេ។ ចាប់តាំងពីពេលនោះមក គាត់បានបញ្ជាឲ្យកាត់បន្ថយអំណាច និងមានគម្រោងដាក់ពង្រាយនាយកប្រតិបត្តិដើម្បីត្រួតពិនិត្យព្រឹត្តិការណ៍នេះ ដើម្បីធានាសុវត្ថិភាពរបស់បេក្ខនារីមកពីប្រទេសផ្សេងៗទៀត។ គាត់បានប្រកាសយ៉ាងម៉ឺងម៉ាត់ថា «Nawat អ្នកត្រូវឈប់»។

ជាក់ស្ដែង សូម្បីតែអតីតបវរកញ្ញាចក្រវាលឆ្នាំ ១៩៩៦ មកពីប្រទេសវេណេស៊ុយអេឡា នាង Alicia Machado បានសម្តែងការមិនពេញចិត្តចំពោះការលើកឡើងរបស់ Nawat អំពីបវរកញ្ញាម៉ិកស៊ិកនៅចំពោះមុខគូប្រកួតជាច្រើនរបស់នាង។ នាងបានគាំទ្រការដកបវរកញ្ញាចេញពីប្រទេសថៃ ដោយស្នើឲ្យផ្លាស់ប្តូរការប្រកួតបវរកញ្ញាចក្រវាលទៅកាន់សាធារណរដ្ឋដូមីនីកែន ជាកន្លែងដែលវាមានសណ្ឋាគារ និងទីកន្លែងដ៏ស្រស់ស្អាត ឬទៅកាន់ទីក្រុងម៉ៃអាមី សហរដ្ឋអាមេរិក ជាកន្លែងដែលរមណីយដ្ឋានមានភាពងាយស្រួល និងមានសុវត្ថិភាពជាង និងជាកន្លែងដែលការប្រកួតប្រជែងអាចបន្តបាន។

មិនតែប៉ុណ្ណោះ ក្នុងអំឡុងពេលផ្សាយផ្ទាល់ អតីតបវរកញ្ញាចក្រវាលឆ្នាំ ១៩៩៦ រូបនេះបានអះអាងថា ការប្រកួតមិនយុត្តិធម៌ដល់បេក្ខនារី ហើយថែមទាំងរិះគន់ប្រទេសថៃជាប្រទេសសំរាមនិងកខ្វក់។ ជាពិសេសគឺសមុទ្ររបស់ភូកេត ត្រូវបានបំពុលយ៉ាងខ្លាំំងក្លា។ នាងក៏បានហៅ Nawat ថា ជាបុគ្គលគ្មានប្រយោជន៍នៅក្នុងកម្មវិធីដែរ។

ទោះជាយ៉ាងណាក៏ដោយ អតីតបវរកញ្ញាចក្រវាលរូបនេះបែរជាប្រឈមមុខនឹងប្រតិកម្មតបវិញ ជុំវិញការលើកឡើងអំពីការរើសអើងជាតិសាសន៍នៅលើទឹកដីអាស៊ីទៅវិញ។ អ្នកបញ្ចេញមតិមួយចំនួនបានលើកឡើងថា ពាក្យសម្ដីរបស់នាងគឺជាភស្តុតាងដែលបង្ហាញថា នេះគឺជាការរើសអើងជាតិសាសន៍ ដូច្នេះសូមឲ្យនាងបញ្ឈប់ការស្អប់ខ្ពើមជនជាតិអាស៊ី៕