តារាជើងចាស់ ម៉ៅ សុចាន់ធី ស្ងាត់ពីសិល្ប:មួយរយ: ស្រាប់តែឃើញគេងក្នុងបន្ទប់សង្រ្គោះបន្ទាន់

តារាសិល្បការិនីជើងចាស់អ្នកនាង ម៉ៅ សុចាន់ធី ថ្មីៗនេះបានធ្វើឲ្យអ្នកគាំទ្រភ្ញាក់ផ្អើលគ្រប់គ្នា បន្ទាប់ពីគេឃើញមានការចែករំលែកនូវរូបភាពចូលសង្គ្រោះនៅមន្ទីពេទ្យស្ថិតក្នុងសភាពស្តូកស្តឹង។

ទោះបីជាមានការចែករំលែកនៃរូបភាពចូលសង្គ្រោះនៅមន្ទីពេទ្យយ៉ាងក្តី តែពុំត្រូវបានគេបញ្ជាក់ទេថា តារាសម្តែងវ័យជ្រេរូបនេះកើតជំងឺអ្វីឡើយពោលគឺគ្រាន់តែមានការបារម្ ភនិងជូនពរអ្នកនាង ម៉ៅ សុចាន់ធី  ឲ្យឆាប់ជាសះស្បើយពីជំងឺប៉ុណ្ណោះ។

ដោយឡែកបើមើលទៅលើបណ្តាញសង្គមរបស់អ្នកនាង ម៉ៅ សុចាន់ធី ក៏បានបង្ហោះរូបភាពជាច្រើនដែលកំពុងស្ថិតនៅក្នុងមន្ទីពេទ្យផងដែរ។ ជាមួយគ្នានោះអ្នកនាងក៏បានសរសេរសាររៀបរាប់ខ្លីដោយន័យហាក់អស់សង្ឃឹម។

អ្នកនាង ម៉ៅ សុចាន់ធី បានលើកឡើងថា ពេលនេះទើបដឹងថាអ្វីៗក៏លែងចង់បានដែរ មនុស្សយើងម្នាក់នឹងមានថ្ងៃនេះ។ ជីវិតខ្ញុំមួយថ្ងៃកាត់មួយថ្ងៃកោរ សង្ឃឹមថាបងប្អូនយល់ពីស្រីម្នាក់នេះ។ ទាក់ទងនឹងដំណឹងធ្លាក់ខ្លួនឈឺនេះដែរកម្ពុជាថ្មីនៅរសៀលថ្ងៃ នេះមិនអាចធ្វើការសួរនាំអ្នកនាង ម៉ៅ សុចាន់ធី បាននៅឡើយទេ៕

អត្ថបទ៖ ចាន់រ៉ា

ចុចអាន៖ ជាប់ឈ្មោះជាមេម៉ាយ តែតារាស្រី៦ដួងនេះរស់លើគំនរទ្រព្យដោយសុខស្រួល

ចុចអាន៖ មិនដល់មួយខែផង បាត់បង់សិល្បករចាស់-ក្មេង ៥រូប គួរឲ្យសោកស្តាយបំផុត