ជ័យ សុវ៉ាត ត្រៀមខ្លួនលើឆាកបន្ទាប់ពីបញ្ចប់បេសកកម្មជាកងទ័ពអាវស

ម្ចាស់បទ ស្រលាញ់អូនដល់កាន់ឈើច្រត់ លោក ជ័យ សុវ៉ាត ត្រូវបានទស្សនិកជនដឹងថា កន្លងមកលោកសុខចិត្តលះបង់ចោលការងារសិល្ប: ដើម្បីចូលរួមបេសកកម្មជាកងទ័ពអាវសជួយដល់ប្រជាពលរដ្ឋក្នុងដំណាក់កាលកូវីដ-១៩។

ទន្ទឹមគ្នានៃការបាត់បង់វត្តមានមួយសន្ទុះធំពីវិស័យចម្រៀងដើម្បីកិច្ចការងារសង្គម មុននេះ លោក ជ័យ សុវ៉ាត បានប្រកាសថា ក្រោយពី​បញ្ចប់បេសកកម្មនៅលើសមរភូមិកងទ័ពអាវស ពេលនេះលោកកំពុងត្រៀមខ្លួនឡើងវិញដើម្បីបំពេរ​អារម្មណ៍​ពុក​ម៉ែបងប្អូនទស្សនិកជន ។

ជាគូ្រពេទ្យស្ម័គ្រចិត្តនិងតារាចម្រៀងរូបសង្ហារ លោក ជ័យ សុវ៉ាត បានបង្ហើបពីការត្រៀមខ្លួនឡើងឆាកតន្ត្រីដូច្នេះថា «Mission complete ជួបគ្នាលើឆាកឆាប់ៗបងប្អូនជាទីស្រលាញ់» ។ មហានជាច្រើនក៏ទន្ទឹងរង់ចាំវត្តមានជាថ្មីរបស់លោកលើឆាកតន្រ្តីផងដែរ។

សូមបញ្ជាក់ថា លោក ជ័យ សុវ៉ាត គឺជាតារាចម្រៀងមួយរូបដែលហ៊ានលះបង់ពេលវេលាផ្ទាល់ខ្លួនជាច្រើនដោយស្ម័គ្រចិត្តចូលប្រយុទ្ធប្រឆាំងជំងឺកូវីដ -១៩ ដែលកំពុងរាតត្បាតយ៉ាងធ្ងន់ធ្ងរនៅលើពិភពលោក និងប្រទេសកម្ពុជាយើងផងដែរ៕

អត្ថបទ៖ ចាន់រ៉ា

ចុចអាន៖ តារាចម្រៀងល្បី ៣ ដួងបន្ថែមអាជីពថ្មីនារដូវកូវីដ- ១៩

ចុចអាន៖ លោកគ្រូ ណូយ វ៉ាន់ណេត បង្ហាញ​ទំហំ​ទឹកចិត្ត​ឪ​ពុក​ម្តាយ​ដែល​កូនៗ​គ្រប់រូប​គួរ​ដឹង