ជីវិតកម្សាន្ដ

សោកស្តាយផលិតករឆ្នើម២រូបដែល អម្ពរ ទេវី ចាត់ទុកអ្នកមានគុណដំបូងគេក្នុងវិស័យភាពយន្តសុទ្ធទទួលមរណភាព

បានផុស

៥ years មុន

នៅ

ថ្ងៃចន្ទ ៩ សីហា ២០២១

ដោយ

ភ្នំពេញ ៖ តារាសម្តែងជើងចាស់ល្បីឈ្មោះអ្នកនាង អម្ពរ ទេវី ថ្មីៗនេះក៏បានបើកកកាយនិងទម្លាយឲ្យដឹងការពិតនៅពីក្រោយភាពល្បីល្បាញក្នុងវិស័យភាពយន្តខ្មែរនាទសវត្ស៩០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយការទម្លាយនេះដែរតារាសម្តែងស្រី ដែលបច្ចុប្បន្នកំពុងរស់នៅឯក្រៅប្រទេស អម្ពរ ទេវី ក៏បានលើកបង្ហាញនូវអតីតផលិតករជើងដ៏ឆ្នើម២រូបដែលបានជួយរុញច្រាននាងទាញយកភាពល្បីល្បាញអំឡុងពេលចូលប្រឡូកលើវិស័យភាពយន្តដំបូងផងដែរ។

ប៉ុន្តែយ៉ាងណាមិញសម្រាប់ការបង្ហាញអត្តសញ្ញាណបុគ្គលទាំង២រូបពីសំណាក់អ្នកនាង អម្ពរ ទេវី នេះគឺធ្វើឡើងក្រោយពេលដែលពួកគាត់បានស្លាប់បាត់ជីវិតទៅហើយទើបធ្វើឲ្យអ្នកនាងសម្តែងការសោកស្តាយខ្លាំងបំផុត។

ផលិតករទាំង២រូប ដែលត្រូវបានអ្នកនាង អម្ពរ ទេវី ចាត់ទុកជាអ្នកមានគុណសម្រាប់នាងដំបូងគេក្នុងវិស័យភាពយន្តខ្មែរគឺ១.ព្រឹទ្ធាចារ្យសិល្បៈលោក ម៉ៅ អាយុទ្ធ និង២.ព្រឹទ្ធាចារ្យសិល្ប:លោក ហ៊ុយ ពុធ ។ ខណៈដែលព្រឹទ្ធាចារ្យពីររូបខាងលើបានទទួលមរណភាពកាលពីថ្មីៗកន្លងទៅនេះ។

អ្នកនាង អម្ពរ ទេវីបានបញ្ជាក់ថា លោក ហ៊ុយ ពុធ គឺជាអ្នកមានគុណរបស់ខ្ញុំមុនគេបង្អស់ជាមួយនឹងលោក ម៉ៅ អាយុទ្ធ ក្នុងចំណោមអ្នកមានគុណជា ច្រើនដែលបានជួយរុញច្រាននាងខ្ញុំឲ្យទទួលបាននូវភាពជោគជ័យនិងភាពល្បីល្បាញនៅលើវិស័យខ្សែភាពយន្តខ្មែរនាទសវត្ស ឆ្នាំ១៩៩០។

តារាសម្តែងជើងចាស់មានប្រជាប្រិយភាពអ្នកនាង អម្ពរ ទេវី បានបញ្ជាក់បន្ថែមថាខ្សែភាពយន្តដំបូង របស់លោកដែលធ្វើឲ្យនាងបានទទួលជោគជ័យគឺរឿង «ស្នេហ៍ រហែក ជ្រែក វិញ្ញាណ» ។អ្នកនាងថាខ្លួនមានអារម្មណ៍ក្ដុកក្ដួលនិងសោកស្ដាយខ្លាំងណាស់ដែលបាត់បង់វិរសិល្បករទាំង២រូបដែលជាកំពូលអ្នកនិពន្ធនិងដឹកនាំរឿងដ៏ល្បីល្បាញនៃខ្សែភាពយន្តខ្មែរ៕

ដោយ ៖ ចាន់រ៉ា