រឿង My Name ឡើងប្រជាប្រិយភាពខ្លាំងក្លា បន្ទាប់ពី Squid Game

ខ្សែភាពយន្តភាគកូរ៉េខាងត្បូងរឿង My Name កំពុងតាមកៀកនឹងរឿង Squid Game នៅលើតារាងអ្នកទស្សនាច្រើនបំផុតទាំង ១០ របស់ Netflix។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពី Squid Game បានចាក់ផ្សាយជាច្រើនសប្ដាហ៍ និងដណ្ដើមបានទស្សនិកជនច្រើនបំផុតនៅជុំវិញពិភពលោក ពេលនេះរឿងភាគថ្មី My Name ត្រូវបានគេរំពឹងថានឹងក្លាយជាភាពយន្តភាគកូរ៉េ ដែលនឹងផ្ដួល Squid Game ក្លាយជាភាពយន្តមានអ្នកច្រើនជាងគេវិញម្ដង។

ខ្សែភាពយន្ត My Name ចាក់ផ្សាយលើកដំបូងលើ Netflix នៅថ្ងៃទី ១៥ ខែតុលា ហើយទទួលបានការសរសើរជាច្រើនពីអ្នកទស្សនាសម្រាប់ការថតល្អ ការសម្តែង និងសាច់រឿងដ៏គួរឱ្យទាក់ទាញ។ រឿងនេះមាន ៨ភាគ ផ្តោតជុំវិញរឿងរ៉ាវសងសឹករបស់តួស្រីឈ្មោះ Yoon Ji-woo បន្ទាប់ពីឪពុកត្រូវបានសម្លាប់ដោយឈាមត្រជាក់បំផុត នៅថ្ងៃខួបកំណើតអាយុ ១៧ របស់នាង។

ជិតបីសប្ដាហ៍ប៉ុណ្ណោះ រឿងនេះបានឡើងលើកំពូលតារាងទាំង ១០ របស់សេវាកម្មស្ទ្រីម Netflix និងត្រូវបាន IMDb ឱ្យពិន្ទុ 8.0 ខណៈ Squid Game បានពិន្ទុ 8.1។

ទោះយ៉ាងណា Squid Game នៅតែឈរលើកំពូលតារាង ដោយបានបង្កើតប្រវត្តិសាស្ត្រមានអ្នកទស្សនារហូតដល់ ១១១ លាននាក់ មកពី ៩៤ ប្រទេសជុំវិញពិភពលោក។ ជាពិសេសសម្លៀកបំពាក់និងការតុបតែងខ្លួនក្នុងរឿង Squid Game ត្រូវបានមនុស្សជាច្រើននាំគ្នាយកតម្រាប់តាម ដើម្បីប្រារព្ធពិធីបុណ្យ Halloween នៅឆ្នាំនេះ៕

ប្រែសម្រួល៖ សន្យា

ចុចអាន៖ កំហុសឆ្គងទាំង ៩ ក្នុងរឿង “Squid Game” គ្មានអ្នកចាប់អារម្មណ៍ទាល់តែសោះ

ចុចអាន៖ Han So Hee និយាយពីឈុតស្រើបស្រាលក្នុងរឿង “My Name”