Jessie J ទឹកភ្នែក ពេលនិយាយរឿងឈឺចាប់មួយក្នុងជីវិត

តារាចម្រៀង Jessie J ហូរទឹកភ្នែកសស្រាក់ និងនិយាយទាំងអួលដើម ក ខណៈរំលឹកដល់រឿងកូន ពេលកំពុងសម្តែងនៅទីក្រុង Los Angeles។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តារាចម្រៀងដ៏មានប្រជាប្រិយភាព Jessie J បានបើកកកាយបញ្ហាជីវិតខ្លួន នៅលើឆាកប្រគុំតន្ត្រីមួយអំពីរឿងរលូតកូន ដែលធ្វើឱ្យនាងទប់ទឹកភ្នែកមិនជាប់ ហើយមិនដឹងថាខ្លួនអាចមានកូនម្ដងទៀតបានឬអត់ឡើយ។

បន្ទាប់ពី​ការ​ស្កេនគភ៌​ជា​លើក​ទី​៣​ កាល​ពី​ថ្ងៃ​អង្គារ​ តារាស្រីវ័យ ៣៣ឆ្នាំរូបនេះ បានសរសេរសារបង្ហោះលើបណ្ដាញសង្គមផ្ទាល់ថាខ្លួនបានបាត់បង់កូនដំបូងរបស់នាងហើយ ក្រោយព្យាយាមយកកូនអស់ពេលជាយូរ។

ថ្លែងទៅកាន់ទស្សនិកជន នាងនិយាយទាំងទឹកភ្នែកថា “ខ្ញុំបានសម្រេចចិត្តបង្កើតកូនដោយខ្លួនឯងតាមវិធីវេជ្ជសាស្ត្រ និងបានពពោះមួយរយៈហើយ ប៉ុន្តែកូនមិននៅជាមួយខ្ញុំទេ។ ខ្ញុំមានអាម្មណ៍តែលតោលណាស់ និងមិនធ្លាប់ឯកោខ្លាំងដូចពេលនេះឡើយ។”

កាលពីខែធ្នូ ឆ្នាំមុន Jessie J ត្រូវបានគ្រូពេទ្យធ្វើរោគវិនិច្ឆ័យថានាងមិនអាចមានកូនតាមបែបធម្មជាតិឡើយ​ ព្រោះបញ្ហាសុខភាព។ ប៉ុន្តែទោះជាយ៉ាងណា នាងនៅតែអាចពពោះ បង្កើតកូនបាន ដោយការបង្កាត់តាមក្បួនវេជ្ជពេទ្យ។

ក្រោយមក នៅខែតុលា ឆ្នាំ២០២១ ម្ចាស់បទ Price Tag រូបនេះ ​បានសម្រេចយកកូន ដោយវិធីចាក់បញ្ចូលមេជីវិតបុរស។ តែជាអកុសល កូនរបស់នាង ក៏រលូត នៅសប្ដាហ៍នេះ  ដែលរឿងនេះធ្វើឱ្យនាងរំជួលចិត្តជាខ្លាំង ​និងមិនអាចទប់ទឹកភ្នែកបាន ពេលនិយាយដល់វា៕

ប្រែសម្រួល៖ សន្យា

ចុចអាន៖ នេះជាមូលហេតុពិតប្រាកដ ពីក្រោយការបែកគ្នារវាង Shawn ​និង Camila

ចុចអាន៖ “Hellbound” ខ្សែភាពយន្តកូរ៉េពេញនិយមបំផុត បន្ទាប់ពី “Squid Game”