ជីវិតកម្សាន្ដ

មាន សូនីតា រំភើបខ្លាំងក្រោយទទួលបានការតែងតាំងគោរមងារនេះ

បានផុស

៥ years មុន

នៅ

ថ្ងៃពុធ ២២ ធ្នូ ២០២១

ដោយ

ភ្នំពេញ ៖ តារាសម្តែងស្រីកញ្ញា មាន សូនីតា បានសម្តែងអារម្មណ៍រំភើបនិងត្រេកអរខ្លាំងបន្ទាប់ពីនាងទទួលបានការតែងតាំងគោរមងារជាទីប្រឹក្សាផ្ទាល់សម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិតសម្តេចព្រះមហាសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា មាន សូនីតា បានបង្ហោះនៅលើបណ្តាញស ង្គមហ្វេសប៊ុកផ្ទាល់ខ្លួននាយប់ថ្ងៃទី២២ខែធ្នូឆ្នាំ២០២១នេះថា ជាថ្ងៃមហាកិត្តិយសដ៏ថ្លៃថ្លា ថ្ងៃនេះនាងខ្ញុំ មាន សូនីតា បានទទួលការតែងតាំងអោយមានស័ក្តិជាបញ្ញាត្តិគោរមងារ ទិត្យាចិត្តធម្មបញ្ញាមហាឧបាសិកាពុទ្ធសាសនូបត្ថម្ភក៍ ពីសម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិតសម្តេចព្រះមហាសង្ឃរាជនៃគណៈធម្មយុត្តិកនិកាយ នៃព្រះរាជាណាចក្រកម្ពុជា។

តារាសម្តែង មាន សូនីតា បានបន្ថែមទៀតថាសូមអោយអ្នកទាំងអស់គ្នាទទួលបានផលបុណ្យកុសលដែលខ្ញុំបានសាងនិងបុណ្យដែលខ្ញុំមាន។ សូមអោយជួបប្រទះតែសេចក្តីសុខសុខភាពល្អនិងជោគជ័យគ្រប់ភារកិច្ចទាំងអស់។

តាមរយៈនេះដែរ គេសង្កេតឃើញមានអ្នកគាំទ្រនិងមិត្តភក្តិនៅលើបណ្តាញសង្គមជាច្រើនបានសម្តែងការចូលរួមអបអរនិងសរសើរតារាសម្តែងស្រីកញ្ញា មាន សូនីតា ដែលនាងទទួលបានការតែងតាំងគោរមងារនេះពីសម្តេចព្រះអភិសិរីសុគន្ធាមហាសង្ឃរា ជាធិបតីកិត្តិឧទ្ទេសបណ្ឌិតសម្តេចព្រះមហាសង្ឃ រាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា៕

ដោយ ៖ ចាន់រ៉ា