ជីវិតកម្សាន្ដ

ទៀង បូរមី យុវតីដំបូងតំណាងកម្ពុជា ចូលប្រកួតលើឆាកMTUនៅឌូបៃ

បានផុស

៣ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

ពិតជាអស្ចារ្យណាស់ចំពោះបេក្ខនារីវ័យ១៦ឆ្នាំ ទៀង បូរមី ដែលទើបប្រកួតក្នុងកម្មវិធីMiss Teen Universe Cambodiaកាលពីថ្មីៗកន្លងទៅ មិនត្រឹមតែទទួលបានជាប់ក្នុងវគ្គTop 10តែប៉ុណ្ណោះឥឡូវនេះនាងមានឈ្មោះបានចេញទៅប្រកួតនៅប្រទេសឌូបៃទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ ទៀង បូរមី គឺជាMiss Teen Universe Cambodia2021 ,Top 10 ដែលត្រូវបានជ្រើសរើសជាយុវតីដំបូងគេតំណាងឲ្យកម្ពុជា ចូលរួមក្នុងការប្រកួតលើឆាកអន្តរជាតិMiss Teen Universeក្នុងឆ្នាំ២០២២នេះនាទឹកដីប្រទេសអារ៉ាប់រួមក្នុងទីក្រុងឌូបៃ។

តាមការកត់សម្គាល់នៅក្នុងការចេញដំណើរទៅចូលរួមការប្រកួតMiss Teen Universeនេះ គេឃើញមានវត្តមានបងប្អូនសាច់ញាតិនិងបវរកញ្ញារៀមច្បងដូចជា, លីវ ជីលី និងបវរកញ្ញា អ៊ិន ល្ខិណា ក៏បានបង្ហាញវត្តមានទៅចូលរួមជូនដំណើរនិងជូនពរដល់នាងផងដែរ។

ការចេញទៅប្រកួតនេះ នឹងនាំយកប្រទេសកម្ពុជាទង់ជាតិរបស់កម្ពុជាវប្បធម៌និងអរិយ្យធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកនអន្តរជាតិ។

លើសពីនេះ មុនពេលចេញទៅប្រកួត ទៀង បូរមី ក៏បានត្រៀមខ្លួនរួចជាស្រេចនិងធ្វើការហ្វឹកហាត់យ៉ាងសកម្មពោរពេញដោយភាពជឿជាក់ក្លាហានក្នុងនាមជាយុវតីដំបូងដែលតំណាងឱ្យកម្ពុជាចូលប្រកួតលើឆាកអន្តរជាតិនាពេលនេះ។

គួរបញ្ជាក់ផងដែរថា បវរកញ្ញា Miss Teen Universe ទៀង បូរមី គឺជាសិស្សរៀនថ្នាក់ទី១១ នៅវិទ្យា ល័យឬស្សីកែវ នាងមានស្រុកកំណើតនៅភ្នំពេញ ហើយនាងទើបតែមានអាយុ១៦ឆ្នាំប៉ុណ្ណោះ៕

អត្ថបទ៖ ចាន់រ៉ា