បវរកញ្ញា ប៉ូគឹមថេង សុធីតា ប្រកាសស្លៀកសពាក់ ស និងហូបអាហារបួស១សប្តាហ៍ក្រោយផ្ទេរមកុដ

អ្នកគាំទ្រមានការភ្ញាក់ផ្អើលបន្ទាប់ពីម្ចាស់មកុដក្នុងការប្រកួតកញ្ញាឯកដ៏អស្ចារ្យនៃកម្ពុជា ឆ្នាំ២០២១ (Miss Grand Cambodia 2021) កញ្ញា ប៉ូគឹមថេង សុធីតា បានប្រកាសស្លៀកសពាក់ ស និងហូបអាហារបួសរយ:ពេល១សប្តាហ៍ក្រោយផ្ទេរមកុដ។

នៅក្នុងខ្លឹមសារដែលបវរកញ្ញា ប៉ូគឹមថេង សុធីតា បានបង្ហោះនោះ គឺនាងបញ្ជាក់ថា ខ្លួននឹងស្លៀក ស ពាក់ ស ហើយ ហូបអាហារបួសព្រមទាំងសមាធិរយៈពេលមួយសប្ដាហ៍ ដោយចាកឆ្ងាយពីទូរស័ព្ទព្រមទាំងប្រព័ន្ធSocialmediaគ្រប់យ៉ាងបន្ទាប់ពីផ្ទេរមកុដ ដល់បេក្ខភាព MissGrand Cambodia 2022 ចប់រួចរាល់។

បវរកញ្ញារូបនេះលើកឡើងថា «បន្ទាប់ពីផ្ទេរមកុដចប់ នាងខ្ញុំ សុធីតា នឹងស្លៀក ស ពាក់ ស ហូបអាហារបួសព្រមទាំង សមាធិរយៈពេលមួយសប្ដាហ៍ដោយចាកឆ្ងាយពីទូរស័ព្ទព្រមទាំងប្រព័ន្ធ Socialmedia គ្រប់យ៉ាងសង្ឃឹមថាបងៗ ដែលមានបំណងទាក់ទងប្អូនសម្រាប់ការងារជួយទុកពេលវេលាអោយប្អូនបានសម្រាកមួយសប្ដាហ៍ផង ។ អោយប្អូន បានសម្រាក និងមានឱកាសបានទទួលកុសលផលបុណ្យពីព្រះពុទ្ធ ព្រះធម៌ ព្រះសង្ឃ ផង ដោយក្តីគោរពពីនាងខ្ញុំ សុធី តា » ។

តាមរយៈនេះ អ្នកលេងបណ្ដាញសង្គមបានបង្ហាញការគាំទ្រនាងគ្រប់គ្នាដោយពួកគេលើកឡើងថា « ស្រឡាញ់ចូលចិត្ត ប្អូន ធីតា , ស្រឡាញ់ចូលចិត្តប្អូន ធីតា , ស្រលាញ់ស្រលាញ់បងណាស់ ស្រលាញ់ត្រង់ចរិតនេះហើយ នេះហើយជាមូលហេតុដែលខ្ញុំស្រឡាញ់។

សូមជម្រាបថា បវរកញ្ញា ប៉ូគឹមថេង សុធីតា កាលពីកន្លងទៅនេះនាងក៏បានចេញទៅប្រកួតនៅលើទឹកដីប្រទេសថៃក្នុងនាមតំណាងឲ្យកម្ពុជាផងដែរ៕

អត្ថបទ៖ ចាន់រ៉ា