ជីវិតកម្សាន្ដ

លេចភស្តុតាងសំខាន់មួយទៀត ពីម្ដាយ Tangmo ក្រោយជនអនាមិក ទុកចោលមុខផ្ទះ (មានវីដេអូ)

បានផុស

៤ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

កាលពីថ្ងៃទី ២៤ ខែកុម្ភៈ កន្លងទៅ មិត្តរួមដំណើរ ២ នាក់ក្នុងចំណោម ៥ នាក់លើទូក ត្រូវបានប៉ូលិសកោះហៅមកបំភ្លឺ រួមមាន Gatick និង Sand បានចេញមកនិយាយទាំងទឹកភ្នែក រៀបរាប់ពីហេតុការណ៍កើតឡើង។ តែការទម្លាយនោះហាក់ធ្វើឲ្យមហាជន សម្ដែងការមិនពេញចិត្តឡើយ ដោយម្នាក់ៗយល់ថា ពួកគេទាំងពីរនិយាយមិនពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចម្លើយជនសង្ស័យមិនសម ម្ដាយរបស់ Tangmo គឺលោកស្រី Panida Siriyuthyothin បានចេញមុខមកបំភ្លឺ ដោយទម្លាយច្បាស់ៗថា ពាក្យសម្ដីដែល Gatick លើកឡើង គឺតែសុទ្ធកុហក ព្រោះថាលោកស្រី មិនជឿថា Gatick មានបំណងល្អលើ Tangmo ឡើយ។

លោកស្រីសន្និដ្ឋានថា Tangmo ត្រូវបានគេរំលោភទាំងផ្លូវកាយ និងផ្លូវចិត្តយ៉ាងពិតប្រាកដ ។ ខណៈដែលនៅលើទូក គឺអាចនឹងមានការអន់ចិត្តគ្នា ពោលគឺមានជម្លោះនឹងគ្នា ព្រោះការដែលនាងទៅញាំអាហារពេលល្ងាចនោះ គឺពួកគេមានបំណងផ្សេងជាមួយនាង។ បើសិនថានាងដឹងថា ទៅជួបនេះក្នុងគោលបំណងមិនល្អ ក៏មិនទៅនោះដែរ តែនាងមិនដឹងរឿង។

យ៉ាងណាមិញ មូលហេតុដែលលោកស្រី ហ៊ាននិយាយបែបនេះ ក៏ព្រោះតែលោកស្រីបានទទួលភស្តុតាងពីមិត្តម្នាក់ ក្នុងចំណោមអ្នករួមទូក ៥ នាក់ដែលពុំដឹងរឿងនោះ បានមកចែករំលែករឿងរ៉ាវទៅកាន់មិត្តភ័ក្ដិលោកស្រី ហើយមិត្តភ័ក្ដិលោកស្រីក៏បានយករឿងនោះមកប្រាប់លោកស្រី ខណៈភស្តុតាង និងសារឆែតទាំងនោះ បានប្រគល់ឲ្យក្រុមប៉ូលិសនៅស្ថានីយ Muang Nonthaburi ស៊ើបអង្កេតហើយ។

លោកស្រី Panida ក៏មិនពុំហ៊ានបញ្ចេញភិនភាគ ពីបុគ្គលដែលបង្ហើបរឿងមកកាន់លោកស្រីឡើយ គ្រាន់តែដឹងថា គេមានបំណងល្អ ទើបគេបានប្រាប់គាត់។ មិនត្រឹមតែប៉ុណ្ណោះ ពេលនេះលោកស្រីក៏ទទួលបានភស្តុតាង DVD និង សំបុត្រមួយច្បាប់ ដែលមិនដឹងថាជានរណាទេ បានយកមកទុកនៅមុខផ្ទះ (ជាការសន្ទនាអំពីមនុស្សនៅលើកប៉ាល់។)។ DVD និង ឯកសារនោះ អាចជាមានប្រយោជន៍មួយ សម្រាប់ការស៊ើបអង្កេតរឿងក្ដីមួយនេះ ហើយគាត់នឹងយកវាទៅប្រគល់ឲ្យប៉ូលិសដើម្បីធ្វើការដូចគ្នា។ ដូចនេះ សម្រាប់រឿងរ៉ាវបន្តនឹងទៅជាយ៉ាងណា មានតែរង់ចាំពីការស៊ើបរបស់ប៉ូលិសតែប៉ុណ្ណោះ តែជឿថា នឹងមានយុត្តិធម៌ពិតសម្រាប់កូនស្រីរបស់គាត់ដូចគ្នា៕

សូមទស្សនាវីដេអូ៖