ជីវិតកម្សាន្ដ
៣ចំណុច គ្មានអ្នកផ្ដួល “ក្មេងស្រីស្អាតបំផុតលើលោក” តាំងពីនាងនៅក្មេង រហូតពេលនេះ
ជិត ២ទស្សវត្សរ៍មកហើយ Thylane Blondeau ក្មេងស្រីដែលធ្លាប់ត្រូវបានគេដាក់រហ័ស្សនាមជា “ស្រីស្អាតបំផុតក្នុងពិភពលោក” ពេលនេះបានក្លាយជានារីវ័យពេញវ័យដ៏ស្រស់ស្អាត និងមានអាជីពជោគជ័យយ៉ាងខ្លាំង។ នៅអាយុ ២០ឆ្នាំ ក្នុងឆ្នាំ២០២២នេះ Thylane Blondeau មានកេរ្តិ៍ឈ្មោះល្បីល្បាញជុំវិញពិភពលោក ជាតារាបង្ហាញម៉ូដម៉ាក Dolce & Gabbana និងជាម្ចាស់យីហោម៉ូដផ្ទាល់ខ្លួនថែមទៀតផង។
កញ្ញា Thylane Blondeau ជាតារាបង្ហាញម៉ូតសញ្ជាតិបារាំង នាងត្រូវបានគេចាប់អារម្មណ៍ជាអន្តរជាតិតាំងពីពេលដែលនាងបានបោះជំហានដំបូងនៅលើវិថី Jean Paul Gaultier នៅពេលនាងមានវ័យត្រឹមតែ ៤ឆ្នាំប៉ុណ្ណោះ។ មិនយូរប៉ុន្មាននៅពេលដែល Thylane Blondeau មានអាយុ ៦ឆ្នាំ នាងបានទទួលងារជា “ក្មេងស្រីស្រស់ស្អាតបំផុតនៅលើលោក” ហើយក្រោយមករូបភាពក្មេងស្រីស្អាតរូបនេះបានសាយភាយពេញបណ្តាញសង្គម ទូទាំងសកលលោក។
បច្ចុប្បន្ន Thylane Blondeau បានក្លាយជានារីវ័យ ២០ឆ្នាំដ៏ស្រស់ស្អាត ថែមទាំងមានអាជីពជាតារាម៉ូដែលយ៉ាងជំនាញ និងជោគជ័យខ្លាំងបំផុត។ ក្នុងរយៈពេលជាង ១០ឆ្នាំកន្លងមកនេះ Thylane Blondeau បានឈានទៅដល់ការកសាងអាជីពដ៏មានឥទ្ធិពល ដោយចំណុចចាប់ផ្តើមរបស់នាង គឺនៅអាយុ ៤ឆ្នាំ។
នៅអាយុ ១២ឆ្នាំ នាងក្ដោបបានឱកាសជាអ្នកផ្សព្វផ្សាយឱ្យម៉ាកប្រណីតៗជាច្រើនដូចជា L’Oreal និង Dolce & Gabbana ។ បន្ទាប់ពីនោះ Thylane Blondeau បានបង្ហាញខ្លួនជាបន្តបន្ទាប់នៅក្នុងតារាងស្រីស្អាតកំពូលសម្រស់។ នៅក្នុងនោះ នាងធ្លាប់បង្ហាញមុខជាច្រើនដងក្នុងបញ្ជី “នារីមុខស្អាតបំផុតទាំង ១០០” ដែលប្រកាសដោយ TC Candler ។
បើក្រឡេកមើលជីវប្រវត្តិរបស់នាង អ្នកនឹងឈប់ឆ្ងល់មិនខានថាហេតុអ្វីបានជា Thylane Blondeau អាចល្បីល្បាញ និងជោគជ័យទាំងនៅក្មេងបែបនេះ។
ទីមួយ Thylane Blondeau មានប្រវត្តិគ្រួសារល្បីល្បាញស្រាប់ ដោយឪពុកគឺជាអតីតកីឡាករបាល់ទាត់ក្របខ័ណ្ឌ Premier League របស់បារាំង Patrick Blondeau ហើយម្តាយជាពិធីការិនីកម្មវិធីទូរទស្សន៍បារាំង និងជាអ្នកច្នៃម៉ូដ Véronika Loubry ។
ទីពីរ តារាស្រីរូបនេះ មានក្រុមមិត្តភក្តិ ដែលសុទ្ធសឹងតែជាតារាល្បីៗលំដាប់ពិភពលោក និងកំពូលតារាហូលីវូដ។
ទីបី នាងមានភាពស្រស់ស្អាតពីធម្មជាតិ និងទេពកោសល្យប៉ិនប្រសព្វ ទើបបានជានាងអាចកសាងកេរ្តិ៍ឈ្មោះរឹងមាំក្នុងពិភពម៉ូដ រហូតពិបាកមានអ្នកផ្ដួលនាងបាន៕
ប្រែសម្រួល៖ សន្យា
ចុចអាន៖ ជារឿងខកចិត្ត បវរកញ្ញាម្ចាស់ផ្ទះ ៣រូប មិនអាចឈានជើងចូលសូម្បីវគ្គកំពូលទាំង១០
ចុចអាន៖ សាវតាម្ចាស់ពានរង្វាន់ Mister Global 2021 ជាបុរសសម្បូរទេពកោសល្យ គួរឱ្យសរសើរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ