Kim Kardashian នឹងធ្វើជាមេធាវី ក្រោយលាឈប់ពីសិល្បៈ

ថ្លែងនៅក្នុងបទសម្ភាសន៍នាពេលថ្មីៗនេះ តារាបង្ហាញម៉ូដ Kim Kardashian ទម្លាយអារម្មណ៍ពិតថា នាងសប្បាយចិត្តនឹងលះបង់អាជីពសិល្បៈ ដើម្បីធ្វើជាមេធាវីពេញលេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kim Kardashian មិនត្រឹមតែជាតារាបង្ហាញម៉ូដលំដាប់ពិភពលោក និងជាអ្នកជំនួញស្រីវ័យក្មេងប៉ុណ្ណោះទេ នាងក៏ជាមេធាវីហាត់ការ តាំងពីឆ្នាំ២០១៩ មកម្ល៉េះ។ ដោយសារមានឈាមជ័រជាអ្នកច្បាប់ តារាស្រីវ័យ ៤២ឆ្នាំរូបនេះ បានបញ្ចប់ការសិក្សាផ្នែកនីតិសាស្រ្ត ហើយបច្ចុប្បន្ននាងត្រៀមខ្លួនធ្វើជាមេធាវីពេញសិទ្ធិគ្រប់ពេល បើទោះជាត្រូវបោះបង់កេរ្តិ៍ឈ្មោះជាតារាល្បីក៏ដោយ។ នាងធ្លាប់ប្រាប់ម្តាយថា នាងនឹងចូលនិវត្តន៍ពីវិស័យសិល្បៈ ដើម្បីផ្តោតលើអាជីពផ្នែកច្បាប់របស់នាង។

មូលហេតុដែល Kim Kardashian ចាប់អាជីពជាមេធាវី ត្រូវបានសាមីខ្លួនបញ្ជាក់ថា នាងបំពេញបំណងឪពុករបស់នាង ព្រោះគាត់ធ្លាប់ជាមេធាវីជាន់ខ្ពស់ មុនពេលគាត់ស្លាប់ នៅអាយុ ៥៩ឆ្នាំ កាលពីឆ្នាំ២០១៣។ ត្បិតមានមនុស្សចំនួនប្រាប់នាងអំពីបញ្ហាតានតឹងក្នុងអាជីពជាមេធាវីក្ដី Kim ថា នាងបានប្រឹងប្រែងអស់រយៈពេលប៉ុន្មានឆ្នាំមកហើយ។ នាងព្យាយាមរៀនសូត្ររាល់ថ្ងៃ ហើយដោយសារបទពិសោធន៍កន្លងមក និងក្រមវិជ្ជាជីវៈ ដែលទទួលបានពីសាលា នាងជឿជាក់ថាខ្លួនពិតជាអាចក្លាយជាមេធាវីល្អម្នាក់៕

ប្រែសម្រួល៖ សន្យា

ចុចអាន៖ Justin Bieber ទម្លាយអារម្មណ៍ថា ខ្លួនឈឺចិត្តខ្លាំង ក្រោយគេរិះគន់ភរិយាកប់ៗមាត់

ចុចអាន៖ កៀកថ្ងៃរៀបការមែនទែន Mark-Kimberly ស្រាប់តែប្រកាសលក់ផ្ទះ