ជីវិតកម្សាន្ដ
ឈុតផឹកតែពីចានទម្រពែងរបស់តួ Gangubai បង្ហាញពីវប្បធម៌ដ៏ជូរចត់មួយរបស់ឥណ្ឌា
ថ្មីៗនេះ ខ្សែភាពយន្តឥណ្ឌារឿង “Gangubai” កំពុងទទួលបានប្រជាប្រិយភាពខ្លាំងក្លា នៅលើ Netflix និងបណ្ដាប្រទេសជាច្រើននៅជុំវិញពិភពលោក បើទោះបីជារឿងនេះចេញផ្សាយតាំងពីខែកុម្ភៈ ឆ្នាំ២០២២ក៏ដោយ។ រឿង “Gangubai” ជាភាពយន្តស្ដែងពីប្រវត្តិសាស្ត្រពិតរបស់អ្នកស្រី Gangubai Kothewali នៅអំឡុងឆ្នាំ១៩៤៧-១៩៦៤។
រឿងនេះបានបង្ហាញឱ្យឃើញពីខ្សែជីវិតយ៉ាងជូរចត់របស់តួស្រី Gangubai ដែលត្រូវមិត្តប្រុសបោកប្រាស់ទៅលក់ធ្វើជាស្រីពេស្យា តាំងពីអាយុ ១៦ឆ្នាំ។ ទោះបីផុងខ្លួនជួបនឹងរឿងអពមង្គលយ៉ាងណា នាងបានក្រោកតស៊ូមកវិញ រហូតក្លាយជាអ្នកគ្រប់គ្រងផ្ទះបន និងបានងើបឡើងប្រឆាំងទាមទារសិទ្ធឱ្យស្រ្តីលក់ខ្លួនទាំងអស់។
ទន្ទឹមនឹងភាពល្បីល្បាញនៃខ្សែភាពយន្តនេះ មនុស្សជាច្រើនផ្ដោតការចាប់អារម្មណ៍នូវឈុតឆាកប្លែកៗមួយចំនួន ដែលគេទស្សនារួច ហាក់មិនយល់ន័យ ហើយបង្កើតជាប្រធានបទជជែកមកទល់នឹងពេលនេះ។ ក្នុងនោះទស្សនិកជាច្រើនកើតចម្ងល់ថា ហេតុអ្វីបានជាតួនាង Gangubai ផឹកតែពីចានទម្រពែង ជំនួសឱ្យការផឹកតែពីពែងធម្មតា? តើសកម្មភាពទាំងនោះបង្ហាញពីអ្វី?
ត្រឡប់ទៅក្នុងប្រវត្តិសាស្ត្រដើម ក្រោយសង្រ្គាមលោកលើកទី២ ប្រទេសឥណ្ឌាបាននៅស្ថិតក្រោមមហាអំណាចរបស់អង់គ្លេស។ កាលឆ្នាំនោះ អង់គ្លេសបានចូលគ្រប់គ្រង និងដាក់អាណានិគមលើឥណ្ឌា ដោយដាក់ពង្រាយកងទ័ពជាច្រើន និងផ្សព្វផ្សាយវប្បធម៌នានាទៅកាន់ប្រទេសនេះ។ កាលណោះឥណ្ឌាបានបែកចែកវណ្ណៈ និងឋានៈសង្គម រហូតធ្វើឱ្យអ្នកស្ថិតក្នុងវណ្ណៈក្រោម មិនមានសិទ្ធិគ្រប់គ្រាន់ សូម្បីតែការផឹកទឹកតែ។ ពេលនោះហើយ ដែលវប្បធម៌ផឹកតែពីចានទម្រចាប់កំណើត!
ដោយឡែកនៅក្នុងឈុតឆាកដែល Gangubai ទៅជួបជាមួយនាយករដ្ឋមន្ត្រី លោកបានបង្ហាញការស្អប់ខ្ពើមចំពោះស្ត្រីពេស្យាចារ ដោយបង្ហាញជំហរមិនចង់ចាប់ដៃ និងផឹកតែជាមួយនាងនោះទេ។ ដើម្បីបង្ហាញនូវការគោរព និងវណ្ណៈតូចទាបរបស់ខ្លួន Gangubai បានចាក់តែពីពែង ដាក់លើចានទម្រពែងនោះវិញ ទើបនាងផឹកវា។ ជំនួសឱ្យការផឹកទឹកតែធម្មតា ទង្វើនេះជាការបង្ហាញពីភាពអោនលំទោន ដែលអ្នកតូចទាបគួរធ្វើចំពោះអ្នកធំ ឬអ្នកមុខអ្នកការ ហើយឋានានុក្រមសង្គមមួយនេះ នៅតែបន្តរហូតដល់សព្វថ្ងៃ។
បច្ចុប្បន្ន ប្រជាជនឥណ្ឌានៅតែផឹកតែក្នុងចានទម្រពែង ជាញឹកញាប់ ដោយអ្នកខ្លះនិយាយថា ប្រជាជនឥណ្ឌាផឹកតែបៀបនេះជាប្រចាំ រហូតក្លាយទៅជាវប្បធម៌ទៅហើយ៕
ប្រែសម្រួល៖ សន្យា
ចុចអាន៖ កូនស្រីទាំងពីររបស់ Angelina កាន់តែធំ កាន់តែដូចគ្នា មើលសឹងច្រឡំបងប្អូនភ្លោះ
-
ព័ត៌មានជាតិ១៨ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន