ជីវិតកម្សាន្ដ
ឧកញ៉ា ខេមរៈ សិរីមន្ត ត្រៀមបញ្ចប់កុងត្រាជាមួយហង្សមាស និងត្រៀមចូលផលិតកម្មថ្មី
កំពូលតារាចម្រៀងដែលមានងារជាឧកញ៉ា ខេមរ: សិរីមន្ត ជាថ្មីម្តងទៀតបានធ្វើឲ្យមហាជននិងអ្នកគាំទ្រនាំគ្នាចាប់អារម្មណ៍ក្រោយធ្លាយព័ត៌មានថា លោកកំពុងត្រៀមខ្លួនចូលផលិតកម្មថ្មី ខណ:ពេលនេះក៏បាននឹងកំពុងថតបទចម្រៀងមួយរួចជាស្រេច។
គេនៅចាំថាកន្លងមកមានការសង្ស័យម្តងជាពីរដងរួចមកហើយ ពីអ្នកគាំទ្រដោយគិតថា កំពូលតារាចម្រៀងលោក ខេមរ: សិរីមន្ដ អាចនឹងប្តូរទ្រនំចាស់ដើរចូលផលិតកម្មGalaxy Navatra ព្រោះជារឿយៗគេសង្កេតឃើញថា លោកដូចជាបង្កើតទំនាក់ទំនងជាមួយតារានៅក្នុងផលិតកម្មនេះជាញឹកញាប់។ ពិសេសគឺមានភាពស្និទ្ធស្នាលជាមួយថៅកែផលិតមួយនេះខ្លាំងថែមទៀត។
ទន្ទឹមពេលជាមួយគ្នានោះក៏មានសារព័ត៌មានមួយចំនួនធ្លាប់បានចុះផ្សាយដោយបានបញ្ជាក់ដែរថា តារាចម្រៀង ខេមរៈ សិរីមន្ត បានសម្រេចចិត្តច្បាស់ហើយក្នុងការចេញពីទ្រនំចាស់ហើយនឹងចូលទៅទ្រនំថ្មី គឺផលិតកម្ម Galaxy Navatra ដោយអាចនឹងធ្វើឡើងនៅអំឡុងដើមឆ្នាំ២០២២នេះ។ ប៉ុន្តែជាលទ្ធលកាលនោះសាមីខ្លួនពន្យល់ថា លោកមិនទាន់ទៅណាទេ ព្រោះនៅក្នុងកិច្ចសន្យាកុងត្រាជាមួយហង្សមាសអញ្ចឹងទម្លាប់របស់លោក គឺធ្វើការកន្លែងណាតែងតែបំពេញភារកិច្ចរបស់ខ្លួនឲ្យបានល្អ។ ចំណែករឿងទៅមុខទៀតថាតើនៅទីនេះទៀតឬយ៉ាងណាលោកមិនទាន់ដឹងទេ ។
ដោយឡែកបន្ទាប់ពីរឿងរ៉ាវនេះត្រូវបានស្ងប់ស្ងាត់មួយរយ:ថ្មីៗនេះ ស្រាប់តែធ្លាយព័ត៌មានទៀតថា តារាចម្រៀង ខេមរៈ សិរីមន្ត នឹងត្រូវបញ្ចប់កុងត្រា (កិច្ចសន្យា) នៅក្នុងផលិតកម្មហង្សមាសនាខែកក្កដាខាងមុខនេះ។ ជាមួយគ្នានេះក៏មានដំណឹងថា តារាចម្រៀងជាប់ងារជាឧកញ៉ារូបនេះបច្ចុប្បន្នកំពុងចាប់ផ្តើមថតបទចម្រៀងថ្មីៗឱ្យផលិតកម្មរបស់អ្នកឧកញ៉ា ឡេង ណាវ៉ាត្រា គឺGalaxy Navatra។ ខណ:បទចម្រៀងថ្មីៗទាំងនោះក៏ត្រៀមនឹងពញ្ញាក់អារម្មណ៍អ្នកគាំទ្រនៅក្នុងអំឡុងពេលប៉ុន្មានខែខាងមុខនេះ។
យ៉ាងណាមិញក៏មានការលើកឡើងថា ពេលដែលឧកញ៉ា ខេមរៈ សិរីមន្ត បញ្ចប់កុងត្រារួចរាល់ជាមួយទ្រនុំចាស់ហើយនោះ គឺផលិតកម្មGalaxy Navatra អាចនឹងមានធ្វើពិធីរៀបចំទទួលជាផ្លូវការដើម្បីស្វាគមន៍និងអបអរកំពូលតារាចម្រៀង ខេមរៈ សិរីមន្ត មកកាន់ផលិតកម្មGalaxy Navatra ដូចដែលធ្លាប់បានធ្វើជាមួយតារាល្បីមុនៗផងដែរ។
ពាក់ព័ន្ធរឿងនេះដែរ កម្ពុជាថ្មី នៅព្រឹកថ្ងៃទី២៤ ខែមិថុនា ឆ្នាំ២០២២ មិនទាន់អាចទំនាក់ទំនងដើម្បីសុំការបញ្ជាក់ពីឧកញ៉ា ខេមរ: សិរីមន្ត បាននៅឡើយទេ ចំពោះដំណឹងខាងលើ។ ដូច្នេះអ្នកគាំទ្រនិងមហាជនជាច្រើនមានតែរង់ចាំតាមដានរឿងរ៉ាវនេះផងដែរ៕
អត្ថបទ៖ ចាន់រ៉ា
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២៣ ម៉ោង agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ២៣ ម៉ោង agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
សេដ្ឋកិច្ច៤ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៤ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង