ជីវិតកម្សាន្ដ

Lee Min Ho វ៉ាដាច់ ជាតារាកូរ៉េ មានអ្នក Follow អ៊ិនស្តាក្រាម ច្រើនជាងគេលើពិភពលោក

បានផុស

៤ years មុន

នៅ

ថ្ងៃសៅរ៍ ២ កក្កដា ២០២២

ដោយ

Lee Min Ho បានក្លាយជាតារាសម្ដែងកូរ៉េ ដែលមានអ្នកតាមដាន Instagram ផ្ទាល់ខ្លួនច្រើនជាងគេលើពិភពលោក លើសពី ៣០ លាននាក់។ ខណៈលោក តែងតែធ្វើការអាប់ដេតពីចលនានិងជីវិតផ្ទាល់ខ្លួន ឲ្យអ្នកគាំទ្រតាមរយៈ Instagram សឹងតែរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ នាពេលថ្មី លោកបានបង្ហោះរូបថតក្នុងឱកាសខួបកំណើតគម្រប់៣៥ឆ្នាំ ដែល Lee Min Ho ញញឹមយ៉ាងសប្បាយ ស្ថិតក្នុងចំណោមអំណោយជាច្រើន ដែលអ្នកគាំទ្រឲ្យមកលោក។

រាល់ការបង្ហោះ របស់ Lee Min Ho កំពុងទទួលបានការចាប់អារម្មណ៍ពីអ្នកគាំទ្រ។ ជាពិសេសអ្នកគាំទ្រចាប់អារម្មណ៍ខ្លាំងជាងគេ នៅពេលដែលលោកបានទទួលការអញ្ជើញឲ្យចូលរួមក្នុងពិធីមង្គលការរបស់ Park Shin Hye ដែលជាដៃគូសម្តែងដ៏ជិតស្និតរបស់លោក នៃរឿងភាគដ៏ល្បី The Heirs ដែលនាងបាននិយាយទៅកាន់ Lee Min Ho ថា “លោក Kim Tan ដែលជាឈ្មោះតួអង្គក្នុងរឿង។ បន្ទាប់មក លោកក៏បានយកប្រយោគដ៏ល្បី ពីរឿងភាគនេះ ហើយសរសេរសំណេរបែបកំប្លែង ផូសលើ Instagram រហូតទាក់ទាញអ្នកចូលមើលយ៉ាងច្រើន។

ទោះយ៉ាងណា បច្ចុប្បន្ននេះ តួឯកប្រុសក្នុងរឿង ”The King” ត្រូវបានគេចាត់ទុកថា ជាតារាកូរ៉េខាងត្បូងដែលមានអ្នកតាមដាន Instagram ផ្ទាល់ខ្លួនច្រើនជាងគេ។ ខណៈអ្នកតាមពីក្រោយមាន Cha Eun Woo សមាជិកក្រុម ASTRO (២៩ លាននាក់) និង Chanyeol សមាជិកក្រុម EXO (២៣.៨ លាននាក់)៕

ប្រែសម្រួល៖ សាង ស្រីល័ក្ខ

ចុចអាន៖រឿងភាគកូរ៉េ “Anna” សម្ដែងដោយ Suzy កំពុង រងការរិះគន់ និងខឹងសម្បារពីប្រជាជន ចិន

ចុចអាន៖តារា កូរ៉េ ១៣ រូប តស៊ូរហូតបញ្ចប់ការសិក្សា ទោះមានឈ្មោះល្បីរន្ទឺហើយក្ដី