Connect with us

ជីវិតកម្សាន្ដ

រឿងភាគកូរ៉េ “Anna” សម្ដែងដោយ Suzy កំពុង រងការរិះគន់ និងខឹងសម្បារពីប្រជាជន ចិន

បានផុស

នៅ

រឿងភាគថ្មីរបស់ Suzy ដែលមានចំណងជើងថា “Anna”​​​ ចាក់ផ្សាយផ្តាច់មុខលើ Coupang Play ខណៈថ្មីៗនេះ កំពុងប្រឈមមុខនឹងការរិះគន់ ពីអ្នកនិយមលេងអ៊ីនធឺណិតនៅចិន យ៉ាងខ្លាំងក្លា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរិះគន់ដ៏ខ្លាំងក្លានេះ កើតឡើងនៅក្នុងវគ្គទីពីរ បន្ទាប់ពីតួអង្គ Suzy បានទៅហាងច្នៃម៉ូដជជុះមួយ ដើម្បីលក់នាឡិកាដែល​នាងទទួល​បាន​ជាកាដូ។ នៅក្នុងវគ្គនេះ បុគ្គលិកម្នាក់នៅក្នុងហាងប្រាប់ Suzy ថា នាឡិកានេះ​មិន​មានតម្លៃខ្លាំងនោះទេ ហើយថា ​នាង​ត្រូវបានគេ​បោកប្រាស់ហើយ។

បុគ្គលិក​ដដែល​រូប​នោះ​ក៏​បាន​បន្ថែម​ទៀត​ថា ​តើ​អ្នក​មិន​ដឹង​ទេ? នាឡិកា​នេះ​ផលិត​នៅ​ប្រទេស​ចិន ប៉ុន្តែ​គេ​បាន​ដាក់​ស្លាក​វា​ថា ‘Swiss Made’ ។ បន្ទាប់មក​ពួកគេ​បាន​គិត​ប្រាក់ ៨.០០ លាន​វ៉ុន ( ៦,១៥០ដុល្លារ) ខណៈ​នាឡិកា​នេះ ​ចំណាយ​ត្រឹមតែ ៧៦.៨០ ដុល្លារ ​ដើម្បី​បង្កើតវាឡើងមក។

ភ្លាមៗនោះដែរ អ្នក​និយម​លេង​អ៊ីនធឺណិត​នៅចិន​ជាច្រើន​ បាន​លើក​យកឈុតនេះមកជជែកគ្នា ហើយ​បាន​ចែក​រំលែក​វា​នៅ​លើ​បណ្ដាញ​សង្គម Weibo ថា តើ​អ្នក​ទាំងអស់​គ្នា​បាន​ទស្សនា​រឿង​ថ្មី​របស់ Suzy “Anna” ហើយ​ឬ​នៅ? ផ្នែក​ជា​ច្រើន​នៃ​រឿង​នេះ​ គឺ​មាន​ភាព​ចម្រូងចម្រាស។ មាន​ឈុត​មួយ​ដែល​តួ​ស្រី​បាន​អំណោយ​នាឡិកា​ក្លែងក្លាយ។ ពេល Anna ទៅ​លក់​នាឡិកា បុគ្គលិក​ហាង​បាន​និយាយ​ថា ‘តើ​អ្នក​មិន​ដឹង​ម៉ាក​នេះ​មិន​ល្អ​ទេ?’ ពួកគេ​បាន​និយាយ​ថា​ នាឡិកា​នេះ​ត្រូវ​បាន​ផលិត​នៅ​ប្រទេស​ចិន ហើយ​បន្ទាប់​មក​បាន​ដឹក​ជញ្ជូន​ទៅ​ប្រទេស​ស្វីស ​ដើម្បី​ដាក់​ម៉ាក​យីហោ (ជា​មូលដ្ឋាន​បញ្ជាក់​ថា​ យើង​ជាកន្លែង​ផលិត​ផលិតផល​ក្លែងក្លាយ)។

អ្នក​និយម​លេង​អ៊ីនធឺណិត​ចិន ​បាន​សម្ដែង​ការ​ខឹង​សម្បារ​ចំពោះ​ឈុត​នេះ​ ដោយ​លើក​ឡើង​ថា ​រឿង​នេះបាន​បង្កប់​ន័យ​ថា​ផលិតផល​ដែល​ផលិត​នៅ​ប្រទេស​ចិន​មិន​ល្អ។ “ភាពអស្ចារ្យរបស់ជនជាតិកូរ៉េ គឺតិចជាងទំហំប្រទេសរបស់ពួកគេ” ។ ពួកគេមិនមានទីផ្សារនៅក្នុងប្រទេសចិនទៀតទេ ដូច្នេះ ពួកគេអាចនិយាយអាក្រក់អំពីប្រទេសយើង។

យ៉ាងណាមិញ មានអ្នកនិយមលេងអ៊ីនធឺណិតផ្សេងទៀត ដែលសម្តែងការខកចិត្តនឹង Suzy ដោយនិយាយថា “ទោះបីជាអ្នកនិពន្ធសរសេរស្គ្រីបក៏ដោយ ក៏នាងនៅតែជ្រើសរើសតួនាទីនេះបន្ទាប់ពីអានវា” ខណៈពេលដែលមានអ្នកនិយមលេងអ៊ីនធឺណិតផ្សេងទៀត បានការពារ Suzy ថា “ហេតុអ្វីបានជាអ្នកខឹង Suzy? នាងកំពុងដើរតួ ទាំង​ផលិតករ Anna ឬ Suzy មិន​បាន​ឆ្លើយ​តប​នឹង​ការ​រិះគន់​នោះ​ទេ។

គួរ​បញ្ជាក់​ថា ​Anna គឺជា​ភាពយន្ត​បែប​ចិត្តសាស្ត្រ​អំពី Yumi (តួអង្គ Suzy) ដែល​បាត់បង់​ផ្នែក​មួយ​នៃ​នាង​ដោយ​សារ​តែ​ការ​កុហក។ រឿង​នេះ​សម្ដែង​ដោយ Suzy ព្រម​ទាំង​តារា​សម្ដែង Jung Eun Chae និង Kim Jun Han៕

ប្រែសម្រួល៖ សាង ស្រីល័ក្ខ

ចុចអាន៖ហេតុផល​ដែល​នាយករដ្ឋមន្ត្រី Koo លេចធ្លោខ្លាំង​ក្នុង​រឿង The King

ចុចអាន៖វប្បធម៌កូរ៉េខាងត្បូង ៥ យ៉ាង គួរបង្រៀនដល់កូនប្រុស-ស្រី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម