ជីវិតកម្សាន្ដ

ទោះចែកផ្លូវគ្នាតែ ពេជ្រ សូលីកា និងស្វាមី នៅរក្សាទំនាក់ទំនងល្អដើម្បីកូនប្រុស

បានផុស

៤ years មុន

នៅ

ថ្ងៃសៅរ៍ ៩ កក្កដា ២០២២

ដោយ

ចំណងស្នេហាធ្លាប់តែបង្ហាញភាពផ្អែមល្ហែមរវាងតារាចម្រៀងស្រី ពេជ្រ សូលីកា និងស្វាមី លោក គីម ហាន ទីបំផុតបានប្រកាសដើរដល់ផ្លូវបែកបាក់ហើយ ខណៈកន្លងមកក៏មានអ្នកគាំទ្របានសង្ស័យលើរឿងនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅព្រឹកថ្ងៃទី ០៨ ខែកក្កដា ឆ្នាំ ២០២២ គេឃើញស្វាមី សូលីកា គឺលោក គីម ហាន បានបង្ហោះសារនៅលើគណនីអ៊ីនស្ត្រាក្រាមរបស់លោកដោយបញ្ជាក់ថា រវាងលោក និងអ្នកនាង ពេជ្រ សូលីកា បានសម្រេចចិត្តចែកផ្លូវគ្នាហើយ។ ប៉ុន្តែពួកគេទាំងពីរ នៅតែបន្តការរាប់គ្នាជាមិត្តល្អនឹងធ្វើជាអាណាព្យាបាលទទួលខុសត្រូវចំពោះកូនប្រុសដូចដើម។

លោក គីម ហាន បាននិយាយថាកំឡុងពេលលោកនិង ពេជ្រ សូលីកា រស់នៅជាមួយគ្នាកន្លងមកនេះ គឺមានអនុស្សាវរីយ៍ និងពេលវេលាល្អៗឲ្យគ្នាច្រើនដែលពោរពេញទៅដោយក្តីស្រលាញ់រហូតឈានដល់បង្កើតបានជាចំណងដៃកូនប្រុសដ៏ស្រស់ម្នាក់។ លោកក៏បានជូនពរឲ្យអ្នកនាង ពេជ្រ សូលីកា មានសេចក្តីសុខក្នុងជីវិតផងដែរ។

ជុំវិញព័ត៌មានខាងលើនេះ កម្ពុជាថ្មីនៅថ្ងៃទី ០៩ ខែកក្កដា ឆ្នាំ ២០២២ នេះ មិនទាន់អាចស្វែងរកការនូវការបកស្រាយពីតារាចម្រៀងអ្នកនាង ពេជ្រ សូលីកា ពាក់ព័ន្ធបញ្ហានៃការចែកផ្លូវគ្នាជាមួយស្វាមីបណ្តាលមកពីមូលហេតុអ្វីនៅឡើយទេ៕

អត្ថបទ៖ ចាន់រ៉ា