ជីវិតកម្សាន្ដ

Kimberly ទម្លាយថា មង្គលការនាងគ្រោងនឹងធ្វើឆ្នាំក្រោយ ហើយស្លៀកឈុតកូនក្រមុំតែមួយប៉ុណ្ណោះ

បានផុស

៣ years មុន

នៅ

ថ្ងៃពុធ ១០ សីហា ២០២២

ដោយ

Kimberly បានទម្លាយថា ពេលវេលារៀបការរវាងនាងនិង Mark Prin អាចនឹងធ្វើឡើងនៅឆ្នាំក្រោយយ៉ាងសាមញ្ញបំផុត ខណៈខាងប្រុសបានលួចទៅមើលឈុតកូនក្រមុំមុនជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ តារាស្រី Kimberly បានបង្ហើបថា នាងកំពុងតែត្រៀមខ្លួនក្លាយជាកូនក្រមុំបន្ទាប់ ហើយថា អាពាហ៍ពិពាហ៍នេះ នាងស្លៀកតែមួយឈុតប៉ុណ្ណោះ និងពេញមួយថ្ងៃផងដែរ។

តួឯកស្រីក្នុងរឿង “សុំជាបុរសម្នាក់ក្នុងចិត្តអូន” បានបន្ថែមទៀតថា ពេលនេះ Mark Prin កំពុងរៀបចំពិធីមង្គលការ ដែលនឹងឈានមកដល់ក្នុងពេលឆាប់ៗនេះ។ ប៉ុន្តែមិនធ្វើធំ ឬឲ្យល្អឥតខ្ចោះនោះទេ ហើយត្រូវជ្រើសរើសថ្ងៃណាដែលល្អសម្រាប់អ្នកតាំងពីរ ហើយម្យ៉ាង ត្រូវមានសាច់ញាតិនៅបរទេសចូលរួមដូចគ្នាដែរ។ ចំពោះទីតាំងនៅមិនទាន់មានពិតប្រាដកនោះទេ តែអ្នកទាំងពីរបានពិគ្រោះជាមួយចាស់ទុំរួចរាល់ហើយ។

ត្បិតថាមិនទាន់មានការឆ្លើយតបពីខាងប្រុស តែយ៉ាងណា Kimberly បាននិយាយទៀតថា នាងមិនដែលគិតថានាងនឹងស្លៀកពាក់បែបណាទេ បើនាងរៀបការ។ ព្រោះនាងគិតថា មើលទៅវាស្អាតទាំងអស់ ហើយចង់ស្លៀកគ្រប់ឈុត តែឥឡូវចាំមើលឈុតណា ដែលគិតថាស្អាតនឹងសួរអ្នករចនាម៉ូដ ដែលធ្វើការជាមួយ ថាតើអ្វីដែលត្រូវពាក់។ តែយ៉ាងណាមនាងនៅតែចង់ស្លៀកមួយឈុតពេញមួយថ្ងៃ ព្រោះខ្ជិលនឹងប្ដូរផ្លាស់ណាស់។

យ៉ាងណាមិញ មកដល់ពេលនេះបណ្ដាអ្នកគាំទ្រក្រោយបានឮហើយ ក៏សប្បាយចិត្តជួសគូស្នេហ៍នេះយ៉ាងខ្លាំង និងសង្ឃឹមថា អ្នកទាំងពីរអាចនឹងចូលរោងជ័យនាឆ្នាំក្រោយ ដូចការគ្រោងទុកពិតមែន៕

ប្រែសម្រួល៖ សាង ស្រីល័ក្ខ

ចុចអាន៖YaYa បញ្ចេញរូបលើឆ្នេរសមុទ្រម្ដងទៀត តែលើកនេះហាក់សិចស៊ីខ្លាំង

ចុចអាន៖Mai Davika ស្លៀកសំពត់បង្អួតចង្កេះស្លីម ត្រូវអ្នកលេងអ៊ីនធឺណិតថាឲ្យនាងចំៗមិនទុកមុខ