ជីវិតកម្សាន្ដ

ផ្ទុះការរិះគន់គ្រូពេទ្យ ថៃ ម្នាក់ ក្រោយលូកដៃក្នុងរឿងមានផ្ទៃពោះរបស់ភរិយា Weir

បានផុស

២ years មុន

នៅ

ថ្ងៃអង្គារ ១៦ សីហា ២០២២

ដោយ

គ្រូពេទ្យស្រីម្នាក់ កំពុងរងការរិះគន់យ៉ាងចាស់ដៃ ក្រោយបញ្ចេញមតិលើបណ្ដាញសង្គមរឿងភរិយា Weir ប្រកាសមានផ្ទៃពោះ ខណៈអ្នកនិយមលេងអ៊ីនធឺណិតនិយាយថា តើសមរម្យទេ ក្នុងការធ្វើបែបនេះទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីតារាសម្ដែង Weir Sukolwat និងភរិយា Vicky Pemonya បានប្រកាសដំណឹងល្អថាមានផ្ទៃពោះកូនដំបូងនៅថ្ងៃបុណ្យម្ដាយនាពេលកន្លងមក ចំពេលមានក្តីរីករាយពីក្រុមគ្រួសារ មិត្តភ័ក្ដិ និងអ្នកគាំទ្រជាច្រើន។ ប៉ុន្តែងាកទៅគ្រូពេទ្យស្រីម្នាក់ ដែលប្រើរូប Profile ស្លៀកឯកសណ្ឋាន ចូលមកលូកដៃបញ្ចេញមតិ រឿង Vicky ដោយនិយាយថា ទើបតែរៀបការសោះ មានផ្ទៃពោះលឿនខុសទំនង។

យ៉ាងណាមិញនៅលើបណ្ដាញសង្គម Twitter ឈ្មោះ Red Skull បានបង្ហាញរូបភាពនៃការអត្ថាធិប្បាយរបស់គ្រូពេទ្យស្រីរូបនេះ ដែលបានបង្ហោះដំណឹងនៃការមានផ្ទៃពោះរបស់ Vicky។ ទន្ទឹមនោះ ក្នុងការបញ្ចេញមតិរបស់អ្នកគ្រូពេទ្យ មានអ្នកតាមដានរាប់សែននាក់ សឹងមិនជឿថា គ្រូពេទ្យហ៊ាននិយាយមិនសមសោះ ចំពោះគូស្នេហ៍ Weir។

តាមរយៈផេក Red Skull បាននិយាយថា “ស្លៀកសំលៀកបំពាក់ជាពេទ្យ ហើយមកបញ្ចេញមតិនិយាយដើមគេមានផ្ទៃពោះបែបនេះ។ ការមានផ្ទៃពោះមុនរៀបការ កើតមិនគ្រប់ខែ ចាត់ទុកថាសប្បាយណាស់។”

បន្ទាប់ពីរឿងនេះត្រូវបានចេញផ្សាយ អ្នកនិយមលេងអ៊ីនធឺណិតជាច្រើនបានចូលមកបញ្ចេញមតិ ទៅកាន់គ្រូពេទ្យស្រីនោះវិញ។ ពួកគេភាគច្រើនបាននិយាយថា ថ្វីត្បិតតែមតិរបស់វេជ្ជបណ្ឌិត និងគិលានុបដ្ឋាយិកា គឺជាមតិផ្ទាល់ខ្លួន។ ប៉ុន្តែពេលបញ្ចេញមតិក្នុងនាមជាគ្រូពេទ្យបែបនេះ គួរតែមានវិជ្ជាជីវៈ មើលឃើញពីភាពសមស្រប និងក្រមសីលធម៌វិជ្ជាជីវៈផងដែរ កុំនិយាយអាងតែខ្លួនជាគ្រូពេទ្យ ហើយថាឲ្យគេបែបនេះបែបនោះ តាមអំពើចិត្តឲ្យសោះ។

ក្រោយរឿងនេះត្រូវបានគេរិះគន់យ៉ាងខ្លាំង។ គ្រូពេទ្យស្រីនោះក៏បានលុបការបញ្ចេញមតិរបស់ខ្លួនភ្លាមៗ។ ប៉ុន្តែយ៉ាងណាក៏នៅមានអ្នកនិយមលេងអ៊ីនធឺណិត បានស្រ្គីនទុក និងចែកចាយពាសពេញបណ្ដាញសង្គមទៅហើយ៕

ប្រែសម្រួល៖ សាង ស្រីល័ក្ខ

ចុចអាន៖Weir បង្ហោះរូបភាពអបអរមួយសន្លឹក ក្រោយភរិយាប្រកាសថាមានផ្ទៃពោះ

ចុចអាន៖ភរិយា Weir ប្រកាសថា ពេលនេះនាងមានផ្ទៃពោះហើយ ថែមទាំងដឹងកូនប្រុស ឬស្រីទៀត