ជីវិតកម្សាន្ដ

ពេជ្រ វត្តីសារ៉ាវឌ្ឍី ក្លាយជាម្ចាស់មកុដតម្លៃ ២៥ ម៉ឺនដុល្លារ ដែលត្រៀមខ្លួនចេញទៅឥណ្ឌូនេស៊ី

បានផុស

៤ years មុន

នៅ

ថ្ងៃអាទិត្យ ២៨ សីហា ២០២២

ដោយ

ទីបំផុតកម្មវិធីប្រកួត Miss Grand Cambodia 2022 បានរកឃើញម្ចាស់ជយលាភីហើយ ដោយមកុដតម្លៃ ២៥ ម៉ឺនដុល្លារនោះ បានទៅលើបវរកញ្ញាមកពីខេត្តព្រះសីហនុ គឺកញ្ញា ពេជ្រ វត្តីសារ៉ាឌ្ឍី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេសង្កេតឃើញថា បើទោះមានរឿងរ៉ាវចម្រូងចម្រាស់ជាច្រើនអំពីបញ្ហាចេញម៉ូតសំលៀកបំពាក់តំណាងជាតិរបស់បេក្ខភាពមួយចំនួនក៏ដោយ តែបើកងាកទៅមើលកញ្ញា ពេជ្រ វត្តី សារ៉ាឌ្ឍី ត្រូវបានមហាជនលើកសរសើរគ្រប់គ្នាថាសក្ដិសមជាម្ចាស់មកុដគ្រប់កាយវិការ ពាក្យសម្ដី ចំណេះដឹង ទាំងកម្ពស់ និងសម្រស់។ ក្រោយពីក្លាយជាម្ចាស់មកុដតម្លៃ ២៥ ម៉ឺនដុល្លារកញ្ញា ពេជ្រ វត្តីសារ៉ាវឌ្ឍី មានតួនាទីតំណាងឲ្យកម្ពុជាលើឆាកអន្តរជាតិនៃកម្មវិធី Miss Grand International ក្នុងប្រទេសឥណ្ឌូនេស៊ីនាពេលខាងមុខ។

ជាការពិតណាស់ ពេជ្រ វត្តីសារ៉ាវឌ្ឍី គឺខំប្រឹងប្រជែងសមត្ថភាពរហូតបានក្លាយជាម្ចាស់ជយលាភីថ្មី បន្តវេនហើយក៏ត្រូវរៀបចំខ្លួនឲ្យល្អទៀតឆ្ពោះទៅកាន់ដែនកោះឥណ្ឌូនេស៊ី ដែលជាទីដែនមានស្រីស្អាតឆ្លាតជាច្រើនប្រទេសមកប្រមូលផ្តុំគ្នា ដើម្បីប្រកួតប្រជែងសម្រស់ ចំណេះដឹង និងទេពកោសល្យលើវិស័យបវរកញ្ញា។ ស្រីស្អាត ពេជ្រ វត្តីសារ៉ាវឌ្ឍី គឺជាបេក្ខភាពដែលមានភាពឆ្លាតវៃ និងសម្រស់ទាក់ទាញដំណើរដងខ្លួនសមសួនបានបន្តវេនពីរៀមច្បង ប៉ូគីមថេង សុតធីតា ក្លាយជារាជនីសម្រស់ ឆ្នាំ ២០២២។

សម្រាប់ Top 5 Miss Grand Cambodia 2022 បានក្លាយជាម្ចាស់តំណែងរៀងៗខ្លួនរួមមាន៖ 1- ពេជ្រ វត្តីសារ៉ាវឌ្ឍី Miss Grand Cambodia 2022 , 2. ហង្ស សុរិយ៉ាន់ Miss Earth Cambodia 2022 , 3-លឹម ណាលី Miss Global Cambodia 2023 , 4.កែវ ស្រីលីន Miss interGlobal Cambodia 2022 និង5. ភាព ថាវរី Miss Polo Cambodia 2022៕