Jisoo ឈ្នះពានរង្វាន់តារាសម្តែងស្រីលេចធ្លោបំផុតពីកម្មវិធី Seoul International Drama Award

Jisoo សមាជិកក្រុម BLACKPINK បានឈ្នះពានរង្វាន់តារាសម្តែងស្រីដែលលេចធ្លោបំផុត ( Hallyu Outstanding Korean Actress ) ពីកម្មវិធី Seoul International Drama Awards លើកទី ១៧ សម្រាប់ ការសម្តែងរបស់នាងជាតួឯកក្នុងរឿង “Snowdrop” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលបានពានរង្វាន់តារាសម្តែងស្រីឆ្នើមនេះ, Jisoo បានយកឈ្នះបេក្ខភាពផ្សេងៗទៀតរួមមាន
តារាសម្តែងស្រី Lee Seyoung ដែលដើរជាតួឯកក្នុងរឿង “The Red Sleeve Cuff” និងតារាសម្តែងនាង Son Yejin ដែលដើរជាតួឯកក្នុងរឿង “Thirty-Nine” ។

ជាអាកុសល Jisoo មិនអាចចូលរួមព្រឹត្តិការណ៍នេះនោះទេ ប៉ុន្តែនាងបានផ្ញើសារជាវីដេអូដើម្បីអរគុណដល់អ្នកគាំទ្រដោយនិយាយថា “ខ្ញុំសុំទោសដែលខ្ញុំមិនអាចចូលរួមបាន ដោយសារកាលវិភាគរបស់ខ្ញុំ មានការរវល់ខ្លាំង តែខ្ញុំរីករាយដែលខ្ញុំទទួលបានពានរង្វាន់ដ៏អស្ចារ្យនេះ ហើយខ្ញុំនឹងខិតខំប្រឹងប្រែងដើម្បីបង្ហាញអ្នកនូវការសម្តែងកាន់តែប្រសើរនាពេលអនាគត ។

ស្របពេលជាមួយគ្នានេះ ខាងផលិតកម្ម YG Entertainment បានអបអរការឈ្នះរបស់នាងតាមរយៈការបង្ហោះ Instagram និងបានចេញមុខប្រកាសថា Jisoo ជាប់រវល់ផ្សព្វផ្សាយអាល់ប៊ុមថ្មីរបស់ BLACKPINK នៅអាមេរិក ក៏ដូចជាត្រៀមខ្លួននឹងចាប់ផ្ដើមប្រគំតន្ត្រីទេសចរណ៍ពិភពលោក Born Pink World Tour នៅខែតុលាខាងមុខនេះផងដែរ ៕

ប្រែសម្រួល ៖ នាងតូច

ចុចអាន៖បាត់មុខមួយរយៈធំ តាមពិតអតីតបេក្ខជន “Produce 101 Season 2” ស្លាប់ហើយ

ចុចអាន៖Jennie រងការរិះគន់ចំពោះម៉ូដសក់ក្នុងយុទ្ធនាការផ្សព្វផ្សាយម៉ាកទឹកអប់របស់ខ្លួន