ជីវិតកម្សាន្ដ

ពេជ្រ សូលីកា ប្រកាសសញ្ញាភ្លើងខៀវ ទទួលអ្នកថ្មីស្អំបេះដូង

បានផុស

៣ years មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

ចូលដល់រដូវត្រជាក់ចាប់ផ្ដើមធ្លាក់ខ្យល់មកត្រសៀកៗ ស្រាប់តែអ្នកមេម៉ាយចាយសម្រស់ អ្នកនាង ពេជ្រ សូលីកា ប្រកាសសញ្ញាភ្លើងខៀវទទួលស្នេហ៍ថ្មី ដើម្បីស្អំបេះដូងដែលបានប្រេះឆាអស់មួយរយៈកាលកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត ពេជ្រ សូលីកា មួយរយៈចុងក្រោយនេះ នាងហាក់ជួបប្រទះនូវរឿងរ៉ាវស្មុគស្មាញ និងមិនសប្បាយចិត្តមួយចំនួន ពោលគឺចាប់តាំងពីមានដំណឹង នៃការបែកបាក់ស្វាមី។ កាលពីថ្មីៗនេះ អ្នក គាំទ្រក៏បានចាប់អារម្មណ៍ឃើញអ្នកម្ដាយSingle រូបនេះ ហាក់មានភាពរឹងមាំឡើងវិញ ពិសេសរាល់ដំណើរកម្សាន្តទៅកន្លែងនានា ពេជ្រ សូលីកា តែងបង្ហាញទឹកមុខសប្បាយរីករាយ ដើម្បីរំសាយអស់ទុក្ខកង្វល់។

យ៉ាងណាមិញ រឿងដែលធ្វើឲ្យអ្នកគាំទ្រកាន់តែចាប់អារម្មណ៍ថែមទៀតនោះ កាលពីល្ងាចថ្ងៃទី ០៩ ខែវិច្ឆិកា ឆ្នាំ ២០២២ ម្សិលមិញ តារាចម្រៀងមានឈ្មោះជាមេម៉ាយកូនមួយ ពេជ្រ សូលីកា បានចេញមកប្រកាសក្តែងៗនៅលើបណ្ដាញសង្គមហ្វេសប៊ុកថា នាងកំពុងត្រូវការអ្នកស្អំបេះដូង។

សំណេរនេះ ធ្វើឲ្យបុរសៗជាច្រើនស្នើសុំដាក់ពាក្យចូលក្នុងបេះដូង ពេជ្រ សូលីកា គ្រប់គ្នា។

មិនខុសគ្នាប៉ុន្មានជាមួយខ្លឹមសារខ្លីខាងលើនេះទេ កាលពីថ្មីៗកន្លងទៅនេះ ស្រីស្អាត ពេជ្រ សូលីកា ក៏បានបង្ហោះសារខ្លីដោយប្រៀបធៀបថា «ភ្នំខ្ពស់ប៉ុណ្ណា ក៏នៅតែចាញ់បេះដូងស្មោះអ្នកមេម៉ាយ»។

គួររម្លឹកថា កន្លងមកមានអ្នកគាំទ្រមួយចំនួនបានដាក់មន្ទិលសង្ស័យថា អ្នកនាង ពេជ្រ សូលីកា អាចមានទំនាក់ទំនងស្នេហាជាមួយកំលោះសង្ហា ថុល សុភិទិ។ ប៉ុន្តែដំណឹងនេះ ត្រូវបាន សូលីកា និង ភិទិ ធ្លាប់បានជម្រះមន្ទិលស្នេហ៍រួចហើយថា ពួកគេគ្រាន់តែជាអ្នករួមការងារជាមួយគ្នាប៉ុណ្ណោះហើយរឿងស្នេហាគឺមិនពិតទេ៕

អត្ថបទ ៖ ចាន់រ៉ា