ម្ចាស់ថ្មីកម្មវិធី Miss Universe ជាប់ឈ្មោះជាស្ត្រីកែភេទមានឥទ្ធិពលបំផុតលើលោក

មេធំ​ Miss Universe ដែលទើបឡើងកាន់តំណែង ត្រូវបានទស្សនាវដ្ដី Forbes បញ្ចូលឈ្មោះជាស្ត្រីកែភេទដែលមានឥទ្ធិពលបំផុតនៅក្នុងពិភពលោក បន្ទាប់ពីស្រ្តីកែភេទរូបនេះ ទទួលបានកម្មសិទ្ធិជាម្ចាស់ស្ថាប័នបវរកញ្ញាចក្រវាល ​មិនប៉ុន្មានខែប៉ុណ្ណោះ។

សេដ្ឋីនីថៃ Anne Chakrabongse ដែលជាស្ថាបនិក និងជានាយកប្រតិបត្តិនៃក្រុមហ៊ុន JKN Global Group Public Company Limited ទើបឡើងកាន់កាប់ Miss Universe Organization (MUO) បានជាប់ឈ្មោះនៅក្នុងទស្សនាវដ្ដី Forbes ក្លាយជាបុគ្គលមានឥទ្ធិពលមួយរូបនៅលើពិភពលោក ក្នុងឆ្នាំ២០២២។

ទស្សនាវដ្ដី Forbes លាតត្រដាងថា Anne ក្លាយជាស្ត្រីកែភេទមានឥទ្ធិពលបំផុត ដោយសារនាងបានជម្នះឧបសគ្គ និងព្យាយាមរុញច្រានខ្លួនឯងយ៉ាងត្រដាបត្រដួស ទម្រាំឈានដល់កំពូល រហូតធ្វើឱ្យនាងក្លាយជាបុគ្គលគម្រូលើកទឹកចិត្តដល់ស្ត្រីរាប់លាននាក់ ជាពិសេសស្ត្រីប្តូរភេទដូចរូបនាង។ ដោយសារមូលហេតុនេះ សកម្មភាពរបស់ Anne បានជះឥទ្ធិពលខ្លាំងក្លាមិនត្រឹមតែនៅក្នុងប្រទេសនោះទេ សូម្បីពិភពលោកទាំងមូលក៏ស្ញប់ស្ញែងនូវការខិតខំប្រឹងប្រែងរបស់នាងដែរ៕

ប្រែសម្រួល៖ សន្យា

ចុចអាន៖ មេធំ Miss Universe គ្រោងឱ្យថៃធ្វើជាម្ចាស់ផ្ទះ ក្នុងកម្មវិធីប្រកួតបវរកញ្ញាចក្រវាល ២០២៣

ចុចអាន៖ Mai Davika ចេញមុខឆ្លើយតបទាំងស្រងាកចិត្ត ក្រោយមតិរិះគន់លើបទចម្រៀងដំបូងរបស់ខ្លួន