ជីវិតកម្សាន្ដ

អ្នកគាំទ្រ លឹម តិចម៉េង ប្រមូលថវិកាចូលរួមលើកស្ទួយក្រុមល្ខោនខោល និងរបាំបុរាណ

បានផុស

១ year មុន

នៅ

ថ្ងៃអង្គារ ២២ វិច្ឆិកា ២០២២

ដោយ

ដើម្បីជាការចូលរួមលើកស្ទួយនូវវប្បធម៌ដ៏ល្អផូរផង់របស់កម្ពុជា ក្រុមអ្នកគាំទ្រម្ចាស់ពានលំដាប់ថ្នាក់ពិភពលោក លឹម តិចម៉េង បាននាំគ្នាប្រមូលថវិកាឧបត្ថម្ភដល់ក្រុមយុវជនល្ខោនខោល និងរបាំបុរាណជំនាន់ថ្មី ដែលកំពុងខិតខំប្រឹងប្រែងលើកស្ទួយវប្បធម៌កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថវិកាដែលក្រុមអ្នកគាំទ្ររបស់តារាចម្រៀង លឹម តិចម៉េង ប្រមូលបានហើយត្រូវបរិច្ចាគចូលរួមនោះគឺមានចំនួន ៧០ ដុល្លារ ដើម្បីជូនដល់ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី ក្នុងការបន្តជួយលើកស្ទួយវប្បធម៌កម្ពុជា។

នៅលើទំព័រហ្វេសប៊ុកក្រុមអ្នកគាំទ្រ លឹម តិចម៉េង បានរៀបរាប់ថា ជម្រាបសួរ នេះជាថវិកាបន្តិចបន្តួចជូនដល់បងប្អូនក្រុមយុវជនល្ខោនខោល និងរបាំបុរាណជំនាន់ថ្មី។

សូមអរគុណដល់បងប្អូនយុវជនកម្ពុជាដែលបានប្រឹងប្រែងកន្លងមកដើម្បីចូលរួមលើកស្ទួយ និងអភិរក្ស សូមទទួលយកការគោរពស្រលាញ់ពីពួកខ្ញុំ (លឹម តិចម៉េង_ធីមប្រុទ្ធ Fan)។ នេះជាការលើក ឡើងពីប្រភពខាងលើ។

ជាមួយគ្នានោះ ភ្លាមៗនេះដែរ នៅទំព័រហ្វេសប៊ុកផ្លូវការរបស់ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី ក៏បានបង្ហោះថ្លែងអំណរគុណដល់ក្រុមដែលជាអ្នកគាំទ្ររបស់ លឹម តិចម៉េង ដែលបានចូលរួមថវិកា ៧០ ដុល្លារ ជូនដល់ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី ដើម្បីបន្តជួយលើកស្ទួយវប្បធម៌កម្ពុជាផងដែរ៕

អត្ថបទ ៖ ចាន់រ៉ា