ជីវិតកម្សាន្ដ

បង្ហាញលក្ខណៈពិសេសរបស់ វណ្ណដា ដែលធ្វើឲ្យអ្នកគាំទ្រផ្ទុះការសរសើរមិនដាច់ពីមាត់

បានផុស

៤ years មុន

នៅ

ថ្ងៃសុក្រ ២ ធ្នូ ២០២២

ដោយ

ពិតណាស់តារាចម្រៀងរ៉េប វណ្ណដា កន្លងទៅថ្មីៗនេះ បានបង្ហាញវត្តមានច្រៀង និងសម្តែងជាមួយលោកតាព្រឹទ្ធាចារ្យ គង់ ណៃ នៅក្នុង«ពិធីបិទកីឡាជាតិលើកទី ៣ និងកីឡាជាតិជនពិការលើកទី ១ ឆ្នាំ ២០២២» នាពហុកីឡដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពិធីនេះលោក វណ្ណដា ក៏បានលើកយកមកច្រៀង និងសម្តែងបទ “Time To Rise” ជាមួយព្រឹទ្ធាចារ្យ គង់ ណៃ ធ្វើឲ្យកក្រើកកាន់តែខ្លាំងនៅក្នុងពិធីបិទកីឡាជាតិលើកទី ៣។

តាមរយៈនេះដែរ ក្រៅពីសំឡេងហ៊ោគាំទ្រដល់តារាចម្រៀងរូបនេះ គឺមានការសរសើរពីសំណាក់មហាជនលើការរៀបចំតុបតែងកាយមើលឃើញថា ពិតជា Best of the Best ណាស់។

ជាក់ស្ដែងមានការលើកឡើងថា វណ្ណដា ពិតជាស័ក្ដិសមឥតខ្ចោះ វណ្ណដា បាននាំពិភពលោកឲ្យស្គាល់មរតកមនុស្សរស់ ការសម្ដែងដ៏ពិសេសជាមួយលោកតា គង់ ណៃ ក្នុងព្រឹត្តិការណ៍ប្រវត្តិសាស្ត្រជាមួយចាប៉ីដងវែង ដែលចំថ្ងៃគម្រប់ខួប នៃការដាក់បញ្ចូលជាសម្បត្តិបេតិកភណ្ឌពិភពលោក។ អ្វីដែលមិនអាចមើលរំលងនោះ អ្នកគាំទ្រផ្ដុំគ្នាយ៉ាងកុះករមានរូប និងឈ្មោះនិមិត្តរូបរបស់ពួកគេ។

វណ្ណដា មិនត្រឹមតែបង្ហាញភាពខ្លាំងរបស់ខ្មែរ និងធ្វើការលើកតម្កើងកេរ្តិ៍ដំណែលសិល្បៈរបស់ដូនតាខ្មែរប៉ុណ្ណោះទេ ថែមទាំងបានបង្ហាញនូវអាកប្បកិរិយាដ៏ទន់ភ្លន់ នៃការសំពះរបស់ខ្មែរបានយ៉ាងល្អត្រឹមត្រូវទៅតាមបវេណីរបស់ជាតិទៀតផង។ គ្មានអ្វីគួរឲ្យឆ្ងល់នោះទេថា ហេតុអ្វីបានជាប្រជាជនថៃគោរពស្រលាញ់ និងចង់បានVanda ចូលសញ្ជាតិថៃម្ល៉េះ? ពីព្រោះថា អ្វីដែលVanda បានស្តែងចេញមកគឺថា Vanda គឺជាជនជាតិខ្មែរ មានវិញ្ញាណ មានដួងព្រលឹងគឺជាពូជសាសន៍ខ្មែរពិតៗ សុទ្ធសាធ ដែលបានផ្សារភ្ជាប់ជីវិតវប្បធម៌ជាមួយនឹងព្រលឹងជាតិខ្មែរ។

ចំណែកតារាចម្រៀងរៀមច្បងលោក ម៉ៃ សុគន្ធ បានពោលសរសើរដែរថា “Time to Rise” performរបស់ វណ្ណដា ល្អដាច់គេ ពិសេសបំផុតសម្រាប់ព្រឹត្តិការណ៍ជាតិថ្ងៃនេះ។ សម្រាប់ខ្ញុំគ្មានពាក្យអ្វីនឹងបរិយាយទេ តារារះថ្មីដ៏ភ្លឺចែងចាំង(My idol)ម្នាក់នេះ ហេតុអ្វីអស្ចារ្យម្ល៉េះ បើមើលពីការរៀបចំតែងកា យវិញចង់យាយថា Best of the Best ណាស់ ស្អាតសង្ហា ហើយសមសួនគ្រប់ប្លង់ មើលកាយវិការ នៃការគោរពលោកតាចេញពីបេះដូងដោយភាពទន់ភ្លន់របស់គាត់តែម្ដង។

លោកបន្ថែមថា មើលហើយទឹកភ្នែកខ្ញុំស្រក់ដោយមិនដឹងខ្លួន រីឯសំឡេងខ្លុយវិញ ក៏មិនដឹងនិយាយថាម៉េចទេ ក្រៅពីអស្ចារ្យណាស់ ស្តាប់ហើយព្រឺក្បាលតែម្តងមួយបទនេះ សប្បាយផង រំភើបផង ទឹកភ្នែកផង ព្រឺសម្បុរផង អរគុណក្រុមបារមី សម្រាប់គ្រាប់ពេជ្រមួយនេះ សម្រាប់កម្ពុជា៕

អត្ថបទ ៖ ចាន់រ៉ា