ជីវិតកម្សាន្ដ

តារាប្រុស-ស្រី ៣ ដួង អង្រួនបេះដូងអ្នកគាំទ្រកក្រើកឆាកក្នុង”ពិធីបិទកីឡាជាតិលើកទី ៣”

បានផុស

៣ years មុន

នៅ

ថ្ងៃសុក្រ ២ ធ្នូ ២០២២

ដោយ

ពិធីបិទ”កីឡាជាតិលើកទី ៣ និងកីឡាជាតិជនពិការលើកទី ១ ឆ្នាំ ២០២២” នៅពហុកីឡដ្ឋានជាតិមរតកតេជោ កាលពីល្ងាចថ្ងៃទី ៣០ ខែវិច្ឆិកា ឆ្នាំ ២០២២ ធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជា ព្រមទាំងមន្ត្រីថ្នាក់ដឹកនាំជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឱកាសដ៏អស្ចារ្យ និងរំភើបនេះដែរ ក៏លេចវត្តមានតារាចម្រៀងល្បីៗប្រុស-ស្រីរបស់ខ្មែរចំនួន ៣ រូប ដើម្បីចូលរួមច្រៀង និងសម្តែងសិល្បៈជូនដល់ទស្សនិកជនទស្សនាផងដែរ។ អ្វីដែលកាន់តែពិសេស គឺការបង្ហាញវត្តមានច្រៀងរបស់តារាទាំង ៣ ដួងនេះ ពិតជាអង្រួនបេះដូងអ្នកគាំទ្រឲ្យកក្រើកឆាកតន្ត្រី នៃការប្រគំអបអរ “ពិធីបិទកីឡាជាតិលើកទី ៣” នៅពហុកីឡដ្ឋានជាតិមរតកតេជោ។

តារាប្រុស-ស្រីល្បីៗទាំង ៣ រូបនោះរួមមាន ៖ កំពូលតារាចម្រៀងស្រីអ្នកនាង ឱក សុគន្ធកញ្ញា ,លោក ងួន ចាន់ដេវីត ឬ ហៅថា G-Devith ,និងលោក វណ្ណដា។ វត្តមានអ្នកទាំង ៣ ពិតជាកក្រើកមិនធម្មតាឡើយ ដោយម្នាក់ៗ សុទ្ធតែបង្ហាញសមត្ថភាពសិល្បៈដ៏អស្ចារ្យរៀងៗខ្លួន ស្តាប់ហើយព្រឺសម្បុរតែម្ដង។

១.កំពូលតារាចម្រៀង ឱក សុគន្ធកញ្ញា បានបកស្រាយចម្រៀងដែលមានចំណងជើងថា “រស់ជាខ្លួនឯង” ជាមួយការសម្ដែងទស្សនីយភាពសិល្បៈដ៏អស្ចារ្យនៅបរិវេណពហុកីឡដ្ឋានជាតិមរតកតេជោ។