ពិធីករម្នាក់ ទ​ម្លាយថា Pinky គ្មានផ្ទះនៅទេ ពេលនេះកំពុងជ្រកកោនក្នុងព្រះវិហារអ៊ីស្លាម

ខ្សែជីវិតរបស់តារាសម្ដែង Pinky Savika ហាក់កាន់តែដុនដាប បន្ទាប់ពីទទួលបានសិទ្ធិនៅក្រៅឃុំបណ្តោះអាសន្ន ព្រោះត្រូវតម្កល់ប្រាក់ចំនួនរហូតដល់ជាង ១៤ម៉ឺនដុល្លារជូនតុលាការ និងគ្មានការងារធ្វើនៅឡើយ ស្របពេលបច្ចុប្បន្ន ពិធីករទូទស្សន៍ម្នាក់ ទម្លាយថា នាងគ្មានផ្ទះស្នាក់នៅនោះទេ ហើយកំពុងជ្រកកោនក្នុងព្រះវិហារអ៊ីស្លាមមួយកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីនៅក្រៅឃុំមិនប៉ុន្មានថ្ងៃ លេចឮពាក្យចចាមអារ៉ាមថា Pinky បានប្រកាសលក់ផ្ទះខ្លួនឯង ក្នុងតម្លៃ ១២លានបាត ប៉ុន្តែតាមពិតនាងគ្មានផ្ទះលក់នោះទេ ព្រោះផ្ទះរបស់នាងបានលក់តាំងពីមិនទាន់ជាប់ពន្ធនាគារមកម្ល៉េះ ហើយមុនពេលចាប់ខ្លួន នាងស្នាក់នៅផ្ទះជួលនោះទេ។ ចំណែកផ្ទះដែលថា ប្រកាសលក់នោះគឺជាផ្ទះបងថ្លៃស្រីរបស់នាងប៉ុណ្ណោះ។

ប្រភពពីអ្នក​ស្និទ្ធ​នឹង Pinky បានបង្ហើបថា ជីវិតរបស់នាងពេលនេះ កំពុងអាស្រ័យជាមួយសាសនា ក្នុងវិហារអ៊ីស្លាម។ យ៉ាងណាក្ដី ពេលនេះអ្នកសារព័ត៌មានមិនទាន់អាចជួបសម្ភាសន៍សាមីខ្លួនបាននៅឡើយ ព្រោះ​ស្ថានភាពផ្លូវ​ចិត្ត​របស់នាងមិនទាន់ស្រួលបួល ហើយនាងក៏មិន​ទាន់​ត្រៀម​ខ្លួន​រួច​រាល់សម្រាប់ជួបមហាជនផងដែរ៕

ប្រែសម្រួល៖ សន្យា

ចុចអាន៖ តារាថៃ ៤រូប ជាប់ឈ្មោះក្នុងបញ្ជីកំពូលស្រីស្អាតលើលោក ឆ្នាំ២០២២

ចុចអាន៖ អតីតបវរកញ្ញាថៃម្នាក់ សម្រេចសាងផ្នួសអស់មួយជីវិត ក្រោយកែភេទពេញលេញ