ជីវិតកម្សាន្ដ

អ្នកគាំទ្រថៃរិះគន់បវរកញ្ញា Engfa យ៉ាងចាស់ដៃ ក្រោយនាងជាប់ជាស្រីស្អាតលើពិភពលោក

បានផុស

៣ years មុន

នៅ

ថ្ងៃចន្ទ ១៩ ធ្នូ ២០២២

ដោយ

បវកញ្ញា Engfa ជាប់ចំណាត់ថ្នាក់លេខ ១ ក្នុងចំណោម ១០០នាក់ ជាស្រ្តីដែលមានមុខស្អាតជាងគេលើពិភពលោក ពីប្រព័ន្ធផ្សព្វផ្សាយសង្គម TC Candler។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែ Engfa Waraha ស្ថិតក្នុង Top 100 ស្ត្រីដែលមានមុខស្អាតជាងគេលើពិភពលោកក្ដី។ ប៉ុន្តែនៅតែអ្នកលេងអ៊ីនធឺណិតខ្លះមិនយល់ស្រប និងចូលមកបញ្ចេញមតិអវិជ្ជមាន រហូតធ្វើឲ្យនាងត្រូវចេញមុខបង្ហោះសារតាមហ្វេសប៊ុកភ្លាមៗ។

បវរកញ្ញា Engfa Waraha បានសរសេរសាយ៉ាងវែងអន្លាយបង្ហោះលើប្រពន្ធផ្សព្វផ្សាយថា “ខ្ញុំទទួលស្គាល់ថាខ្ញុំតែងតែទទួលរងនូវនិន្នាការអវិជ្ជមាន។ មានអារម្មណ៍ធ្លាក់ទឹកចិត្ត ដែលត្រូវបានប្រជាជនថៃធ្វើបាប ទាក់ទងនឹងបញ្ហានៃការវះកាត់ រហូតដល់រីករាលដាលដល់ឪពុកម្ដាយរបស់ខ្ញុំផងដែរ។ មែនហើយ! តាមដែលខ្ញុំដឹង វាជាបេក្ខភាពលេខ១ ក្នុងចំណោមបេក្ខភាព១០០ មិនមែនថាយើងស្អាតជាងគេទេ ខ្ញុំចង់ឲ្យអ្នកទាំងអស់គ្នាស្ងប់ចិត្តបន្តិច សម្រាប់រឿងនេះ។ មានមនុស្សជាច្រើនតែងតែលើកពីបញ្ហាវះកាត់របស់ខ្ញុំលើបណ្ដាញសង្គម ជារឿងដែលនិយាយដដែលៗគ្រប់ពេល”។

បន្ថែមពីនេះ នាងក៏និយាយទៀតថា “ដំបូងឡើយ ខ្ញុំមិនតក់ស្លុតទេនៅការតិះដៀលពីសំណាក់មនុស្សគ្រប់គ្នាទេ គ្រាន់តែខ្ញុំឆ្ងល់ថា ហេតុអ្វីបានជាជនជាតិថៃចូលចិត្តសម្លុតគ្នា? ឬប្រសិនបើពួកគេមិនគាំទ្រ ពួកគេមិនគួរបង្កើតអំពើហិង្សានៅក្នុងបណ្ដាញសង្គមផ្សេងៗឬលើគេហទំព័រឡើយ។ មុនពេលអ្នកមើលងាយអ្នកដទៃ យើងត្រូវពិនិត្យមើលខ្លួនឯងជាមុនសិនដែរ”៕