អតីតស្ថាបនិក YG Entertainment រួចផុតពីការ ចោទប្រកាន់រឿងគ្រឿងញៀនជាមួយតារារ៉េប B.I.

លោក Yang Hyun-suk អតីតស្ថាបនិកផលិតកម្ម YG Entertainment ត្រូវបានលើកលែងទោសនៅថ្ងៃព្រហស្បតិ៍នេះ ក្រោមការចោទប្រកាន់ពីបទបង្កាច់បង្ខូចពីបទព្យាយាមលាក់បាំងការស៊ើបអង្កេតគ្រឿងញៀនរបស់ B.I ដែលជាអតីតសមាជិកក្រុម iKON ។

តុលាការក្រុងសេអ៊ូលកណ្តាលបានចេញសាលក្រមបានប្រកាសថាលោក Yang Hyun-suk ​មិន​មាន​កំហុសដោយអះអាងមានភ័ស្តុតាងមិនគ្រប់គ្រាន់ដែលថាលោក Yang បានបន្លំបោកប៉ូលិសឫព្យាយាមលាក់បាំងការស៊ើបអង្កេតគ្រឿងញៀនរបស់ B.I ។

នៅក្នុងការកាត់ក្តីដែលធ្វើឡើងនៅថ្ងៃទី ១៤ នៅខែមុន លោកត្រូវបានចោទប្រកាន់ពីបទគំរាមកំហែងអតីតអ្នកហាត់ការដែលបានផ្តល់សក្ខីកម្មដល់ប៉ូលិសកាលពីឆ្នាំ ២០១៦ អំពីការសង្ស័យជុំវិញរឿងគ្រឿងញៀន B.I ដែលជាអតីតសមាជិកក្រុម iKON របស់ផលិកម្ម YG ។

ជាមួយគ្នានេះ ព្រះរាជអាជ្ញាបានកាត់ទោលឲ្យលោកជាប់ពន្ធនាគាររយៈពេល ៣ ឆ្នាំសម្រាប់ហេតុ ផលថាលោកបានរារាំងការស៊ើបអង្កេតដំបូងលើ B.I ដោយបំភិតបំភ័យអ្នកផ្តល់ព័ត៌មាន ដោយលោកបានលាឈប់ពីតំណែងជាប្រធានផលិតកររបស់ក្រុមហ៊ុន YG ក្នុងខែ មិថុនា ឆ្នាំ ២០១៩ ចំពេលមានការស៊ើបអង្កេតរឿងមួយនេះផងដែរ៕

ប្រែសម្រួល៖នាងតូច

ចុចអាន៖ផលិតកម្ម BH Entertainment បដិសេធរឿងតារាសម្ដែង Kim Goeun ណាត់ជួបកីឡាករបាល់ទាត់ Son Heungmin